Hendrik VIII van Iengeland

Van Wikipedia
Hendrik VIII
1491-1547
Hendrik VIII
Prins van Wales
Periode1502-1509
VôorgangerArthur Tudor
IpvolgerEduard VI
Keunienk van Iengeland
Periode1509 – 1547
VôorgangerHendrik VII
IpvolgerEduard VI
VoaderHendrik VII
MoederElizabeth van York

Hendrik VIII, van ’t Huus Tudor, (Greenwich, 28 juni 1491Londn, 28 januoari 1547) was hertog van York, prins van Wales en Keunienk van Iengeland en Ierland.

Zyn leevn[bewerkn | brontekst bewerken]

Je was de twidde zeune van Hendrik VII en Elisabeth van York. (Margaretha van York was heur tante)

’t Was de bedoelienge dat ie an e carrière in de kerke zou begunn, mo zyn oudere broere Arthur stierf in 1502. Hendrik voldeg' hem ip als Prins van Wales en trôonipvolger.

Vo were e verbound t'hen mè Spanje, trouwde Hendrik in 1509 met de weeuwe van zyn broere, Catharina van Aragón, de joungste overleevnde dochter van keunienk Ferdinand II van Aragon en Isabella I van Kastilië. Je trouwde kort achter den dôod van zyn voader en je was ip da moment zeevntien joar oud. De 24e juni 1509 wierd ie gekrôond in Westminster Abbey.

Vo de Tudor-dynastie te kunn vôortzettn en ip die maniere Iengeland te bespoarn van nieuwe burgeroorlogn, lik de Rôoznoorloogn, dêed ie olles vor an e zeune te geroakn. J’is doadeure surtout bekend vo zyn zes vrouwn, zyn wrêed karakter, (iederêen die in zyn weg stound wierd van kant gemakt), en ook vo d’Iengelsche Reformoasje. Je schidde d'Iengelsche Katholieke Kerke van de Rooms Katholieke Kerke (1534), en je richte de Kerke van Iengeland (Church of England) ip. Je blêef hem wel houdn an de mêeste Katholieke tradiesjes.

De reedn was da zyn êeste vrouwe Catharina van Aragón hem gin zeune kost geevn. Z’haan zes dochters, woavan dat ollene Mary in leevn blêef. Je wilde zyn huwelik oungeldig loatn verkloarn, mo Paus Clemens VII giengt doa nie mee akkôord omda Catharina van Aragón ‘n tante was van Keizer Karel V. Van da moment brakt ie definitief mè Rome.

Zyn zes vrouwn[bewerkn | brontekst bewerken]

  • Catharina van Aragón (1509, geschid in 1533)
  • Anna Boleyn (1533, ounthoofd in 1536)
  • Jane Seymour (1536, gestorvn in 1537)
  • Anna van Kleef (1540, ‘t zelfste joar geschid)
  • Catharina Howard (1540, ounthoofd in 1542)
  • Catharina Parr (1543, zy et hem overleefd)

Zyn jounges[bewerkn | brontekst bewerken]

  • Mè Catharina van Aragón: êen kiend: Mary I van Iengeland (Bloody Mary) (18 februoari 1516 - 17 november 1558), trouwde mè Filips II van Spanje. Under zeune Hendrik van Cornwall, geboorn in 1511, leefde mor e poar weekn.
  • Met Anna Boleyn: êen kiend: Elizabeth I van Iengeland (7 september 1533- 24 moarte 1603), loater keuniginne van Iengeland
  • Mè Jane Seymour: êen kiend: de loatere keunienk Eduard VI van Iengeland (12 oktober 1537 – 6 juli 1553)

In 1513 veroverde keunienk Hendrik VIII Doornik. ‘t Is d’ênigste stad in België die ôoit Iengels was. Je liet doar e citadel bouwn woavan dat ollêne de torre overgebleevn is. Vo dien ofbroak zorgde Lodewyk XIV minder of e decennium loater.

Hendrik VIII is gestorvn in ‘t Paleis van Whitehall in Londn en begroavn in de St. Georgekapelle in ‘t Kastêel van Windsor.

Wikimedia Commons