Isabelle van Bourbon

Isabelle van Bourbon (1437 - 25 september 1465, Antwerpn) wos deur heur huwelik mèi Karel den Stoutn van 1454 tout 1465 hertoginne van Bourgondië.

Leevn

Isabelle kwom ter weireld lik twidde dochter en vuufde kind van hertog Karel I van Bourbon en zyn twidde wuuf Agnès van Bourgondië.

Ze trouwde zy up 30 oktober 1454 in Rysel mèi heurne koozn Karel den Stoutn, groaf van Charolais en troonupvolger van Filips den Goein, hertog van Bourgondië.

Vo Karel wos da zyn twidd' huwelik. Zyn eeste wuuf, Catherine van Valois, es doodgegoane oet 'n hem nog moa 13 joar wos.

Karel en Isabelle zoudn gelukkig getrouw gewist hèin. Isabelle wos e styf schoon wuuf, en Karel zoudt er verliefd up gewist hèin. Karel zoudt heur osan trouw gebleevn hèin - wuk da in dienen tyd nie geweune wos, zekers nie oe je 't vergelykt mèi d'uutspattiengn van zyn voader Filips.

Toch gienk Karel zyn voorkeure uut na Margaretha van York. Je kost' hem wel nie vodder dan te trouwn mèi Isabelle want in de Vrede van Atrecht, da zyn voader Filips mèi den Franschn keunienk geslootn ha, stound da Karel mèi e Fransche prinsesse moeste trouwn.

Maria van Bourgondië wos 't enigste kind in leevn uut et huwelik van Karel en Isabelle. Ze wos zy geboorn in Brussel up 13 februoari 1457.

Isabelle es doodgegoan up 25 september 1465 in de Sint-Michielsabdy van Antwerpn (verzekers an tuberculose) binst dat heur dochter by heur wos.