Sint-Andries

Van Wikipedia
Ga naar: Begunplekkn, zoeken
Dit artikel es geschreevn in 't Brugs, en da zou best ozô bluuvn.

Sint-Andries
Sint-Andriesabdij Zevenkerken 2.jpg
Sint-Andriesabdye van Zevenkerken
Woapenstandries.png
Sint-AndriesLocation.svg
Geografie
Provinsje Flag of West Flanders.svg West-Vloandern
Gemêente Brugge
Coördinoatn 51°11′NB 3°10′OL
Oogteliggienge {{{hoogte}}} m
Ippervlakte 20,65 km²
Bevolkienge (Bron: NIS)
Inweuners
Bevolkiengsdichtheid
19.427 (01/01/2008)
941/km²
Vintn
Vrown
{{{mannen}}}%
{{{vrouwen}}}%
Andre info
Postcode 8200
Zonenummer {{{netn}}}

Sint-Andries is e dêelgemêente va Brugge. Sint-Andries ed een groendgebied va 20,65 km² e ed 20.430 inweuners (2005).

De gemêente[bewerkn | brontekst bewerken]

't centrum van Sint-Andries ligt in feite ten zûd-westen van Brugge. Vanip de Groate Markt in Brugge centrum is 't oengevêer 4,5 kilomêeters richtienk "De Platse", de plekke wor dat de kerke ent gemêentnhuus stoan, anders gezeid Sint-Andries centrum eigentlik. Sint-Andries kuje vanuut Brugge-centrum berykn oj passêert via de Smêepoorte richtienk de Canada Square wor daje via de Gistelsche Stêenweg richtienk 't centrum van Sint-Andries goat.

De Canada Square achter de bevriedink ip den 18e oktober van 1918

Int centrum sto der een neogotische parochiekerke gewied an Sint Andries en Sint Anna. Rechte tegnover de kerke eje de Platse, vrêe gekend vo ze caféetjes en zyn terrastjes.

Nie verre doavan langst de Gistelsche Stêenweg eje der oke nog de kapelle vant Boomtjie, me e woender bêeld. Doarachter liggen 't Provinsiehuus Boeverbos (de centroale administroasje van de provinsje) en de provinsjale politieschole.

In Sint-Andries eje oke nog 't stadion van de twêe voetbolclubs van Brugge: Cercle Brugge en Club Brugge, 't Jan Breydelstadium. In 't de gebeurte dovan eje ook 't Olympiabad.

Sint-Andries kuje noh indelen in klindere wyken lik de Hermitoage, Ter Stroaten en parochies lik Blymoare, Sint-Willibrord, Sint-Boafs. Andere bezienswoardigheden in Sint-Andries zyn Kastêel Tudor, Kastêel Beisbroek mè de volkschsterrenwacht, de Chartreuzinnen, Domyn de Koede Keuken met Kastêel Cateline en d'Abdy van Zeevnkerkn.

Den Expressweg (oftewel den N31) is 'n belangrieke verkêersoadere da deure 't groendgebied van Sint-Andries sniedt. Dien ôtoroete verbiendt den zêeoavn van Zeebrugge via Brugge met de belongrieke ôtostrades gelik den E40 en den E403. Langst den Expressweg richtienk Zeebrugge viend je ôok twêe gevangeniscomplexen. Enerzieds eje den oeden gevangenisse, "de Refuge" (tegenweurdig 'n ipvangcentrum vor uutgeprocedêerde azielzôekers). Nie verre derneffest viend je 't nieuwe complex, just gelegen tusschen de Legeweg, den Expressweg en de spôorwegge.

Ploatselyke fauna & flora[bewerkn | brontekst bewerken]

Sint-Andries (en surtout Ver-Sint-Andries, voby de Platse) is e vrée groen & bosryk gebied. Jet an den ene kant roend de côté van 't kanoal en de spoorwegge Brugge-Oostende 't begun van de poldersch woar da je dus in den overgank van zandgroend nor klietegroend voral landelike gebiedn êet. Langsch de côté van de Gistelsche Steenweg en de Toeroetsche Steenweg viend je ip de zandigen oendergroend voral busch. Grote domiens zyn de gebiedn van Beisbroek, Chartreuzinnen, Tudor en Tilleghem. Sins ongeveer 't ende van 2005 zitten der oke were everzwyns an diene côté. Noar dat schient zoeden ze oftwel geïmportêerd zyn oftwel zoeden ze ûut de kanten van Nôord-Frankriek nor de busschen roend de kânten van de grenze van Sint-Andries zyn gekommen. Ze zitten in feite te sjcharreln roend de busschen an de kanten van d'Abdy van Zeevnkerkn, Loppem en Zillegem.

Kastêel Koude Keuken
Kastêel Tudor
Wikimedia Commons