Steirtmêze

Van Wikipedia
Aegithalos caudatus

Steirtmêezn (Aegithalos caudatus) zyn klêne veugeltjes uut de familie van de steirtmêezn (verwant an d'echte mêezn, mo ze zyn der gin sôorte van).

Uutzicht[bewerkn | brontekst bewerken]

Steirtmêezn komn nie langer of 15 cantmeiter, nundern steirt derbie ereeknd (ndien is langer of nunder lyf). Z'en dus e kort en round lyvetje, dat vanboovn zwort en (doenker)bruun is, upsyts roazachtig en vanounder vuul wit of lichtbruun. Nundern kop ku hêlegans wit zyn, mo 't kun oek zworte of brune striepn up stoan.

Van steirtmêezn is 'n bek kort en zwort en nundern steirt is oek zwort met witte bôretjes.

Verspreidienge en leefgebied[bewerkn | brontekst bewerken]

Steirtmêezn komn vôorn in bikan hêel Europa, mor oek in Azië (toet in Japan).

Ze komn 't mêeste vôorn in busschn, mor oek wel in ovetjes of parksjes.

Leevnswyze[bewerkn | brontekst bewerken]

Teetn[bewerkn | brontekst bewerken]

Z'eetn olle sôortn fernient (danze zoekn in boomn en struukn, ze komn verre nôois up de ground), mor in de wienter duvn z'oek wel notjes eetn, juste lyk aar mêezn (koolmêezn en pimpelmêezn).

Vôortplantienge[bewerkn | brontekst bewerken]

Nunder nest is round en toe en ze weevn ze me takkelieng, woa danze toene nog kobbenettn round doen. 't Wuvetje legt doa tusschn de zes en de twoof eiers in.

Doenieng[bewerkn | brontekst bewerken]

Buutn 't broedsezoen leevn steirtmêezn geregeld in groep.

Wikimedia Commons