Viersalamander
Uit Wikipedia
| Viersalamander | |||||||||||||
|---|---|---|---|---|---|---|---|---|---|---|---|---|---|
 De viersalamander |
|||||||||||||
| Taxonomische indêlienge | |||||||||||||
|
|||||||||||||
| Sorte | |||||||||||||
| Salamandra salamandra Laurenti, 1768 |
De Viersalamander (Salamandra salamandra) es een bêestje van de familie van de salamanders.
Inoud |
[bewerkn] Uutzicht
Vee minsn vindn de viersalamander de schôonste salamander dat er es. Ie es zwart blinknd va kleur, moar me schône gele plekkn en streepn. Ie eit nen korte, stompe steirt en an de boasis van zyn pôotn eit ie een gele plekke. Ze keunn tot 20cm lank kommn en mêer dan 20 joar komn.
[bewerkn] Verspreidienge
De viersalamander komt nie vele mi vôorn in België, allêen in de Vlamsche Ardenn keun je em nog ip verschillnde plekkn vindn, juuste lik in d'Ardenn. Ie es vrêe difficile wa da zyn woater beteft: de plassn meugn nie te diepe zyn, der mag bykan niet in groein en de pH moet redelik neutroal zyn (tussn de 5.5 en 7.5). D'oundersôorte die in België vôornkomt, is de Salamandra salamandra terrestris.
[bewerkn] Leevnswyze
Overdag goa je em nie vele teegnkomn, ie leeft vôorol 's nachts, o't koel es. De poarienge es vrêe typisch: het manneke tracht et vrouwke zoverre te krygn da't et nie mêe kan beweegn, ton kruupt ie der ounder en eft ze ip. Deur zyne steirt te beweegn probeert ie de cloaca te stimuleern. Lukt da, ton gift ie een spermatofoor of da et vrouwke gewillig anneemt. De larvn groein van oktober tot april.
[bewerkn] Eetn
De viersalamander eet geirn insectelarvn, kobbn, duuzndpôotn, tettiengn en slekkn. O't ie larve es, eet ie andere woaterbêestn gelik vliege-, muggelarvn, haftn en ôok klêene kreeftachtigen.
