Weireldkampioenschap foetbol 2010

Van Wikipedia
Ga naar: Begunplekkn, zoeken

't Weireldkampioenschap foetbol 2010 is 't 19ste weireldkampioenschap foetbol organiseerd deur 'n Fifa. D'organisoasje is voun 'n êeste kêe deur en Afrikoans land edoan, Zuud-Afrika. 't En 204 landn meiedoan an de vôorroundn, uutendelik zyn der 32 landn die meugn meidoen an 't tornôoi zevve.

De Belgn zyn der nie erocht, in e groep me Spanje, Bosnië en Herzegovina, Turkeye, Estland en Armenië zyn ze 'n vierdn endigd me 10 puntn. D'ênigste Belgn die e rolle hen espeeld, zyn 'n arbiter Frank Debleeckere en zyn assistentn.

Keuze van land[bewerkn | brontekst bewerken]

'n Fifa hadde ezeid dat 't weireldkampioenschap van 2010 in Afrika moeste zyn en 't woarn 5 landn die meidein (woavan 2 tope):

  • Zuud-Afrika: 14 stemmn
  • Marokko: 10 stemmn
  • Egypte: 0 stemmn
  • Libië & Tunesië: tope biedn muchte nie, woadeure da Tunesië nemi meidei, 't bod van Libië wos te moager voun te kunn meidoen.

In vôorbereidienge van 't WK is de Confederations Cup ol houdn in Zuud-Afrika en dadde wos e goein test. 't Wos oek doa dan de supporters van buutn Afrika de vuvuzela's, e sôorte van hôorn voun up te bloazn, voun 'n êeste kêe hôordn.

Vôorrounde[bewerkn | brontekst bewerken]

De landn die nunder ekwalificeerd henn, stoan in 't blauw.

Afrika (CAF): 6 landn[bewerkn | brontekst bewerken]

Azië (AFC): 4 landn[bewerkn | brontekst bewerken]

Europa (UEFA): 13 landn[bewerkn | brontekst bewerken]

Nôord- en Middn-Amerika (CONCACAF): 3 landn[bewerkn | brontekst bewerken]

Oceanië (OFC): 1 land[bewerkn | brontekst bewerken]

Zuud-Amerika (CONMEBOL): 5 landn[bewerkn | brontekst bewerken]

Stadions[bewerkn | brontekst bewerken]

't Het lange edeurd teegn dan de stadions grêed woarn (oundermêer deur e stoakienge van de werkmenschn), mor uutendelik zyn ze juuste antydn grêed erocht. De finalle is espeeld up 10 juli 2010 in 't Soccer City in Johannesburg.

  • Bloemfontein, Vrystaat Stadium, 48 000
  • Durban, Moses Mabhida Stadium, 70 000
  • Johannesburg, Soccer City, 95 000
  • Johannesburg, Ellispark, 61 000
  • Kaapstad, Cape Town Stadium, 70 000
  • Nelspruit, Mbombela Stadium, 46 000
  • Polokwane, Peter Mokaba Stadium, 45 000
  • Port Elisabeth, Nelson Mandelabay Stadium, 48 000
  • Pretoria, Loftus Versfeld Stadium, 50 000
  • Rustenburg, Royal Bafokeng Stadium, 42 000

Verloop[bewerkn | brontekst bewerken]

Êeste rounde[bewerkn | brontekst bewerken]

De twêe finallistn van 2006, Italië en Vrankryk, goan der ol uut in d'êeste rounde, van d'Afrikoansche ploegn bluuft er mor êen over en dat is Ghana. Olle vuve de Zuud-Amerikoansche landn goan oek deure, twêe uut Nôord- en Middn-Amerika (de VS en Mexico) en oek twêe ploegn uut Azië, Zuud-Korea en Japan. De reste zyn Europeesche landn.

Ounvergetelikke momentn zyn oundermêer:

  • d'openiengsgolle van Tshabalala van Zuud-Afrika, met e gekruust schot in de kruusieng
  • de 4-0 van Duutsland teegn Australië
  • e masse flikkn van de keepers (oundermêer van Robert Green van Iengeland en van Kawashima van Japan teegn Holland)
  • de 4-1 van Argentinië teegn Zuud-Korea, 'n ênigsn match woarin dan ze nunder klasse etoogd hen
  • de 7-0 van Portugal teegn Nôord-Korea, oek d'ênigste golln dan de Portugeezn emakt hen
  • de passeerbewegienge van Keisuke Honda van Japan teegn Denemarkn, e passirde Agger deur de bolle bachtn zyn steunbêen te trekkn en toune nog e perfectn pass te geevn.
  • de 3-2 van Slovakeye teegn Italië, dat ollêne mo moeste gelykspeeln of winn met 1 golle verschil, mo die dadde nie kuste
  • Zwitserland die deruut gienke, ol haddn ze in 'n êestn match Spanje eklopt.

Twidde rounde[bewerkn | brontekst bewerken]

In de twidde rounde goan der ol êentige favorietn uut. Iengeland vliegt deruut teegn Duutsland, ol is de 2-2 van Lampard, die dudelik over de lyne gienk, ofekeurd. Gelyk hoe wos Duutsland vele beter en ze wonn verdiend me 4-1. Japan (teegn Paraguay) en Zuud-Korea (teegn Uruguay) goan der olletwêe uut, Ghana wint in de verlengiengn teegn de VS. 'n Aarn ploeg uut de CONCACAF, Mexico goat der oek uut, teegn Argentinië. Chili, dat êen van de grôte verrassiengn is van 't toernôoi deur zyn anvollnd foetbol, goat deruut teegn Brazilië. Holland goat oek deure, mo speelt were gin goein match teegn Slovakeye, ze winn me 2-1. Spanje-Portugal is oek gin goein match, Spanje goat deure met e golle van Villa, die wel afseits stoat.

Kwartfinalles[bewerkn | brontekst bewerken]

Uruguay-Ghana en Duutsland-Argentinië zyn de schoanste matchn van de kwartfinalles. In Uruguay-Ghana is 't toet de latste minute van de verlengiengn 1-1 achter en interessantn match me kansn voun olletwêe de ploegn. Toune krygt Ghana nog e kanse en Suarez van Ajax bokst de bolle uut de golle. E krygt rôod en Ghana krygt oek e penanti, die deur Gyan, spitse byn Rennes in Vrankryk, up de latte eschootn is. 't Kommn penanti's en doarin gift dienn Gyan 'n êestn voun Ghana, e schiet nem zuver in 'n hoak. 't Missn der wel twêe van Ghana en 'n latstn voun Uruguay is egeevn deur Sebastian Abreu, die nem over de keeper stift. Ghana kuste geschiedenisse schryvn an ze deure-egoan, want ze gienkn 't êeste Afrikoansche land zyn die in de hoolve finalles rochtn. Voun Uruguay wos 't 40 joar eleen dan ze nog zo verre erocht woarn.

In Duutsland-Argentinië stoat er mor êen ploeg up 't pling, Duutsland wint me 4-0, Argentinië krygt bykan gin kansn. Klose makt zyn 13ste en 14ste golle van 't toernôoi en komt nog intje te kort voun 't record van 15 van 'n Brazilioan Ronaldo.

Holland is in 'n êestn teim wegespeeld deur Brazilië, mo dedie moakn mor êen golletje. In 'n twiddn teim komt Holland beter in de match en ze moakn nog 2 golln.

Spanje het het stief moelik teegn Paraguay, Nelson Valdez makt zest de 1-0, mo z'is ofekeurd deur posiesje-afseits. In 'n twiddn helt krygt Paraguay e penanti achter dat Cardozo deur Piqué ometrokkn is in 'n bakaré, Cardozo schiet zevve, mo Casillas pakt nem. Spanje krygt rechtet derachter oek êen, e lichtn, at Alcaraz teegn Villa lopt in 'n bakaré. Xabi Alonso schiet nem binn, mo ne moe nem erneemn en ne mist dienn twiddn. Uuteindelik makt David Villa de golle, zyn vuufdn. Voun Spanje is 't 'n êeste kêe dan ze in de hoolve finalles groakn.

Hoolve finalles[bewerkn | brontekst bewerken]

Holland klopt Uruguay met 3-1. Ze speeln nundern bestn match van 't toernôoi, mor overtuugn were nie echt. 't Is 32 joar eleen dan ze de finalle nog eki speeldn, toune verlôorn ze me 3-1 teegn 't Argentinië van Kempes en Passarella. 't Kykn 12,3 Hollanders no nunder land.

In d'aar hoolve finalle klopt Spanje Duutsland, die deur 't vroege stôorn van de Spanjoardn nie in nunder spel groakn. 't Is uuteindelik verdediger Puyol die d'ênigste golle makt, me zyn kop.

Me Spanje en Holland is 't 'n êeste kêe dan nie Argentinië, Brazilië, Duutsland of Italië in e finalle stoan.

Klêne finalle[bewerkn | brontekst bewerken]

In de match voun de derde plekke tusschn Duutsland en Uruguay begunn de Duutschers 't beste, ol is d'êeste kanse wel voun Uruguay. 't Komt 1-0 voun Duutsland, Müller makt zyn vuufde golle en is mei topschutter up da moment. Muslera, 'n keeper van Uruguay kut e schot van Schweinsteiger nie vastepakkn en Müller is goed evolgd en legt de bolle in de kôoie. Uruguay komt beter in de match en 't is Edinson Cavani van Palermo die de bolle ku meineemn en binnschietn. 1-1 an de rust is e redelik juustn uutslag. Achter de rust is 't Uruguay die êest e golle makt, Maxi Pereira gift e vôorzet an Diego Forlan, die nem in êne kêe juuste laasn de stoake schiet. Êentige minuutn doarachter gift Boateng e vôorzet en Marcell Jansen kopt binn tusschn 2 spelers van Uruguay en 'n keeper. De twêe ploegn speeln olletwêe voun te winn, mo 't is uuteindelik Duutsland die nog e golle makt. Achter e corn grakt de bolle nie weg en Sami Khedira kut binnkoppn. In 'n extra tyd komt Serdar Tasci nog in de ploeg voun Mesut Özil en ezo henn olle spelers van de selecsje, buutn 'n derdn keeper Tim Wiese, meiedoan up 't weireldkampioenschap, Hans-Jörg Butt en Dennis Aogo muchtn begunn an de match. In de latste minute muchte Forlan nog en vryschop geevn, mor die bolle gienk up de latte en ezo kwamt 'n dus nie ollêne topschutter (ol kustn Villa of Sneijder nog scôorn in de finalle).

Duutsland wos gelyk hoe êen van de reveloasjes van 't toernôoi, met e joungn ploeg brochtn ze schôon en modern foetbol. Uruguay moeste barragen speeln teegn Costa Rica, de numerô viere van Middn- en Nôord-Amerika, en wonn doa me 0-1 en thuus blêef het 1-1. Egliek zyn ze 't verste erocht van olle Zuud-Amerikoansche ploegn, olhoewel dan ze met 3,5 meljoen menschn êen van de klinste landn zyn.

Finalle[bewerkn | brontekst bewerken]

Groepn[bewerkn | brontekst bewerken]

  • M: espeelde matchn
  • W: matchn ewonn
  • G: matchn gelyk espeeld
  • V: matchn verlôorn
  • GV: goaln vôorn
  • GT: goaln teegn
  • GVe: goaln verschil
  • P: puntn

Groep A[bewerkn | brontekst bewerken]

Team M W G V GV GT GVe P
Uruguay 3 2 1 0 4 0 +4 7
Mexico 3 1 1 1 3 2 +1 4
Zuud-Afrika 3 1 1 1 2 3 -1 4
Vrankryk 3 0 1 2 1 4 -3 1
  • 11 juni: Zuud-Afrika - Mexico: 1 - 1
  • 11 juni: Uruguay - Vrankryk: 0 - 0
  • 16 juni: Zuud-Afrika - Uruguay: 0 - 3
  • 17 juni: Vrankryk - Mexico: 0 - 2
  • 22 juni: Mexico - Uruguay: 0 - 1
  • 22 juni: Vrankryk - Zuud-Afrika: 1 - 2

Groep B[bewerkn | brontekst bewerken]

Team M W G V GV GT GVe P
Argentinië 3 3 0 0 7 1 +6 9
Zuud-Korea 3 1 1 1 5 6 -1 4
Grieknland 3 1 0 2 2 5 -3 3
Nigeria 3 0 1 2 3 5 -2 1
  • 12 juni: Zuud-Korea - Grieknland: 2 - 0
  • 12 juni: Argentinië - Nigeria: 1 - 0
  • 17 juni: Argentinië - Zuud-Korea: 4 - 1
  • 17 juni: Grieknland - Nigeria: 2 - 1
  • 22 juni: Grieknland - Argentinië: 0 - 2
  • 22 juni: Nigeria - Zuud-Korea: 2 - 2

Groep C[bewerkn | brontekst bewerken]

Team M W G V GV GT GVe P
VS 3 1 2 0 4 3 +1 5
Iengeland 3 1 2 0 2 1 +1 5
Slovenië 3 1 1 1 3 3 0 4
Algereye 3 0 1 2 0 2 -2 1
  • 12 juni: Iengeland - VS: 1 - 1
  • 13 juni: Algereye - Slovenië: 0 - 1
  • 18 juni: Slovenië - VS: 2 - 2
  • 18 juni: Iengeland - Algereye: 0 - 0
  • 23 juni: VS - Algereye: 1 - 0
  • 23 juni: Slovenië - Iengeland: 0 - 1

Groep D[bewerkn | brontekst bewerken]

Team M W G V GV GT GVe P
Duutsland 3 2 0 1 5 1 +4 6
Ghana 3 1 1 1 2 2 0 4
Australië 3 1 1 1 3 6 -3 4
Servië 3 1 0 2 2 3 -1 3
  • 13 juni: Servië - Ghana: 0 - 1
  • 13 juni: Duutsland - Australië: 4 - 0
  • 18 juni: Duutsland - Servië: 0 - 1
  • 19 juni: Ghana - Australië: 1 - 1
  • 23 juni: Australië - Servië: 2 - 1
  • 23 juni: Ghana - Duutsland: 0 - 1

Groep E[bewerkn | brontekst bewerken]

Team M W G V GV GT GVe P
Holland 3 3 0 0 5 1 +4 9
Japan 3 2 0 1 4 2 +2 6
Denemarken 3 1 0 2 3 6 -3 3
Kameroen 3 0 0 3 2 5 -3 0
  • 14 juni: Holland - Denemarkn: 2 - 0
  • 14 juni: Japan - Kameroen: 1 - 0
  • 19 juni: Holland - Japan: 1 - 0
  • 19 juni: Kameroen - Denemarkn: 1 - 2
  • 24 juni: Denemarkn - Japan: 1 - 3
  • 24 juni: Kameroen - Holland: 1 - 2

Groep F[bewerkn | brontekst bewerken]

Team M W G V GV GT GVe P
Paraguay 3 1 2 0 3 1 +2 5
Slovakeye 3 1 1 1 4 5 -1 4
Nieuw-Zêeland 3 0 3 0 2 2 0 3
Italië 3 0 2 1 4 5 -1 2
  • 14 juni: Italië - Paraguay: 1 - 1
  • 15 juni: Nieuw-Zêeland - Slovakeye: 1 - 1
  • 20 juni: Slovakeye - Paraguay: 0 - 2
  • 20 juni: Italië - Nieuw-Zêeland: 1 - 1
  • 24 juni: Paraguay - Nieuw-Zêeland: 0 - 0
  • 24 juni: Slovakeye - Italië: 3 - 2

Groep G[bewerkn | brontekst bewerken]

Team M W G V GV GT GVe P
Brazilië 3 2 1 0 5 2 +3 7
Portugal 3 1 2 0 7 0 +7 5
Ivôorkust 3 1 1 1 4 3 +1 4
Nôord-Korea 3 0 0 3 1 12 -11 0
  • 15 juni: Ivôorkust - Portugal: 0 - 0
  • 15 juni: Brazilië - Nôord-Korea: 2 - 1
  • 20 juni: Brazilië - Ivôorkust: 3 - 1
  • 21 juni: Portugal - Nôord-Korea: 7 - 0
  • 25 juni: Nôord-Korea - Ivôorkust: 0 - 3
  • 25 juni: Portugal - Brazilië: 0 - 0

Groep H[bewerkn | brontekst bewerken]

Team M W G V GV GT GVe P
Spanje 3 2 0 1 4 2 +2 6
Chili 3 2 0 1 3 2 +1 6
Zwitserland 3 1 1 1 1 1 0 4
Honduras 3 0 1 2 0 3 -3 1
  • 16 juni: Honduras - Chili: 0 - 1
  • 16 juni: Spanje - Zwitserland: 0 - 1
  • 21 juni: Chili - Zwitserland: 1 - 0
  • 21 juni: Spanje - Honduras: 2 - 0
  • 25 juni: Zwitserland - Honduras: 0 - 0
  • 25 juni: Chili - Spanje: 1 - 2

Voddere roundn[bewerkn | brontekst bewerken]

Achtste finalles[bewerkn | brontekst bewerken]

  • 1 26 juni: Uruguay (A1) - Zuud-Korea (B2): 2 - 1
  • 2 26 juni: VS (C1) - Ghana (D2): 1 - 2 (achter verlengiengn)
  • 3 27 juni: Duutsland (D1) - Iengeland (C2): 4 - 1
  • 4 27 juni: Argentinië (B1) - Mexico (A2): 3 - 1
  • 5 28 juni: Holland (E1) - Slovakeye (F2): 2 - 1
  • 6 28 juni: Brazilië (G1) - Chili (H2): 3 - 0
  • 7 29 juni: Paraguay (F1) - Japan (E2): 0 - 0 (5 - 3 me de penanties)
  • 8 29 juni: Spanje (H1) - Portugal (G2): 1 - 0

Kwartfinalles[bewerkn | brontekst bewerken]

  • KF1 2 juli: Holland - Brazilië: 2 - 1
  • KF2 2 juli: Uruguay - Ghana: 1 - 1 (4 - 2 me de penanties)
  • KF3 3 juli: Argentinië - Duutsland: 0 - 4
  • KF4 3 juli: Spanje - Paraguay: 1 - 0

Hoolve finalles[bewerkn | brontekst bewerken]

  • HF1 6 juli: Holland - Uruguay: 3 - 2
  • HF2 7 juli: Duutsland - Spanje: 0 - 1

Derde plekke[bewerkn | brontekst bewerken]

  • 10 juli: Uruguay - Duutsland: 2 - 3

Finalle[bewerkn | brontekst bewerken]

  • 11 juli: Holland - Spanje: 0 - 1

Scôorders[bewerkn | brontekst bewerken]

De noamn die in 't vet stoan, zyn spelers van landn die nog meidoen.

5 golln[bewerkn | brontekst bewerken]

  • Diego Forlan (Uruguay)
  • Thomas Müller (Duutsland)
  • Wesley Sneijder (Holland)
  • David Villa (Spanje)

4 golln[bewerkn | brontekst bewerken]

  • Gonzalo Higuain (Argentinië)
  • Miroslav Klose (Duutsland)
  • Robert Vittek (Slovakeye)

3 golln[bewerkn | brontekst bewerken]

  • Landon Donovan (VS)
  • Luis Fabiano (Brazilië)
  • Asamoah Gyan (Ghana)
  • Luis Suarez (Uruguay)

2 golln[bewerkn | brontekst bewerken]

  • Lee Chung-Yong (Zuud-Korea)
  • Elano (Brazilië)
  • Samuel Eto'o (Kameroen)
  • Javier Hernandez Balcazar (Mexico)
  • Brett Holman (Australië)
  • Keisuke Honda (Japan)
  • Andres Iniesta (Spanje)
  • Lee Jung-Soo (Zuud-Korea)
  • Tiago Mendes (Portugal)
  • Lukas Podolski (Duutsland)
  • Arjen Robben (Holland)
  • Robinho (Brazilië)
  • Carlos Tevez (Argentinië)
  • Kalu Uche (Nigeria)

1 golle[bewerkn | brontekst bewerken]

  • Antolin Alcaraz (Paraguay)
  • Hugo Almeida (Portugal)
  • Yakubu Ayegbeni (Nigeria)
  • Jean Beausejour (Chili)
  • Niklas Bendtner (Denemarkn)
  • Valter Birsa (Slovenië)
  • Cuauhtémoc Blanco (Mexico)
  • Kevin-Prince Boateng (Ghana)
  • Michael Bradley (VS)
  • Cacau (Duutsland)
  • Tim Cahill (Australië)
  • Edinson Cavani (Uruguay)
  • Park Chu-Young (Zuud-Korea)
  • Daniele De Rossi (Italië)
  • Jermain Defoe (Iengeland)
  • Clint Dempsey (VS)
  • Antonio Di Natale (Italië)
  • Didier Drogba (Ivôorkust)
  • Yasuhito Endo (Japan)
  • Gelson Fernandes (Zwitserland)
  • Arne Friedrich (Duutsland)
  • Steven Gerrard (Iengeland)
  • Mark Gonzalez (Chili)
  • Gabriel Heinze (Argentinië)
  • Klaas-Jan Huntelaar (Holland)
  • Vincenzo Iaquinta (Italië)
  • Marcell Jansen (Duutsland)
  • Park Ji-Sung (Zuud-Korea)
  • Milan Jovanovic (Servië)
  • Juan (Brazilië)
  • Salomon Kalou (Ivôorkust)
  • Sami Khedira (Duutsland)
  • Bongani Khumalo (Zuud-Afrika)
  • Kamil Kopunek (Slovakeye)
  • Robert Koren (Slovenië)
  • Dirk Kuyt (Holland)
  • Liedson (Portugal)
  • Zlatan Ljubijankic (Slovenië)
  • Maicon (Brazilië)
  • Florent Malouda (Vrankryk)
  • Rafael Marquez (Mexico)
  • Raul Meireles (Portugal)
  • Rodrigo Millar (Chili)
  • Katlego Mphela (Zuud-Afrika)
  • Sulley Muntari (Ghana)
  • Shinji Okazaki (Japan)
  • Mesut Özil (Duutsland)
  • Marko Pantelic (Servië)
  • Alvaro Pereira (Uruguay)
  • Maxi Pereira (Uruguay)
  • Carles Puyol (Spanje)
  • Winston Reid (Nieuw-Zêeland)
  • Christian Riveros (Paraguay)
  • Romaric (Ivôorkust)
  • Dennis Rommedahl (Denemarkn)
  • Cristiano Ronaldo (Portugal)
  • Fabio Quagliarella (Italië)
  • Simao Sabrosa (Portugal)
  • Dimitris Salpigidis (Grieknland)
  • Shane Smeltz (Nieuw-Zêeland)
  • Jon Dahl Tomasson (Denemarkn)
  • Vasilis Torosidis (Grieknland)
  • Yaya Touré (Ivôorkust)
  • Siphiwe Tshabalala (Zuud-Afrika)
  • Matthew Upson (Iengeland)
  • Giovanni Van Bronckhorst (Holland)
  • Robin Van Persie (Holland)
  • Enrique Vera (Paraguay)
  • Ji Yun-Nam (Nôord-Korea)

Owngolln[bewerkn | brontekst bewerken]

  • Park Chu-Young (Zuud-Korea)
  • Simon Poulsen (Denemarkn)

Goudn bolle[bewerkn | brontekst bewerken]

De Goudn Bolle is 'n prys voun 'n bestn speler van 't toernôoi. Vôorn de finalle zyn der ol 10 spelers enomineerd, 't got ezeid zyn wien dat 't is achter de finalle. De tiene zyn:

  • Diego Forlan (Uruguay)
  • Asamoah Gyan (Ghana)
  • Andres Iniesta (Spanje)
  • Xavi (Spanje)
  • David Villa (Spanje)
  • Lionel Messi (Argentinië)
  • Mesut Özil (Duutsland)
  • Bastian Schweinsteiger (Duutsland)
  • Arjen Robben (Holland)
  • Wesley Sneijder (Holland)

Aar interessante diengn[bewerkn | brontekst bewerken]

  • Êeste golle: Siphiwe Tshabalala (Zuud-Afrika - Mexico, 55')
  • Êeste gilve koarte: Efrain Juarez (Zuud-Afrika - Mexico, 18')
  • Êeste rôo koarte: Nicolas Lodeiro (Uruguay - Vrankryk, 81')
  • Rapste golle: Thomas Müller (Duutsland - Argentinië, 3')
  • Grotste overwinnienge: 7 - 0 (Porrtugal - Nôord-Korea)
  • Êestn hat-trick: Gonzalo Higuain (Argentinië - Zuud-Korea, 4 - 1, 33', 76', 80')
  • Mêeste assists:

"Belgn"[bewerkn | brontekst bewerken]

België is nie up 'n weireldbeker erocht, mo 't speeln wel êentige foetbolliestn van de Belgische competiesje mei.

  • Antolin Alcaraz (Paraguay, Club Brugge, nu Wigan): golle emakt in 'n êestn match teegn Italië, hêel 'n match teegn Slovakeye en deure no de twidde rounde, uutendelik nie hêlegaans verdiend uuteschoakeld deur de Spanjoardn, mo wel e stief goed tournôoi espeeld.
  • Boubacar Barry (Ivôorkust, Lokern): keeper, gin golln teegn ekreegn teegn Portugal, wel 3 teegn Brazilië. In 'n match teegn Nôord-Korea ginne teegn ekreegn (3-0 ewonn), mo wel deruut.
  • Victor Bernardez (Honduras, Anderlecht): 'n êestn match teegn Chili nie espeeld, oek 'n twiddn nie, wel in 'n derdn teegn Zwitserland en goed espeeld.
  • Adlène Guédioura (Algereye, Charleroi, nu Wolverhampton): drie kirs inevolln in d'êeste rounde, mor uuteschoakeld.
  • Milan Jovanovic (Servië, Standard, nu Liverpool): winnde golle emakt teegn Duutsland in 'n twiddn match, uutendelik uuteschoakeld in d'êeste rounde.
  • Zlatan Ljubijankic (Slovenië, AA Gent): golle emakt in 'n twiddn match teegn de VS, uuteschoakeld in d'êeste rounde.
  • Marko Suler (Slovenië, AA Gent): drie matchn hêlegans espeeld, mo buutn in d'êeste rounde.
  • Anele Ngcongca (Zuud-Afrika, Genk): d'êeste 2 matchn nie espeeld, 'n derdn match 55 minuutn, ewonn teegn Vrankryk.
  • Nikita Rukavytsya (Australië, uutelêend an Roeseloare deur Twente): inevolln teegn Duutsland en Ghana.

Externe koppelienge[bewerkn | brontekst bewerken]