't Koekoeksnest

Van Wikipedia

't Koekoeksnest wos e luustersoap op Radio 2. 't Gink over 't gelyknoamige otel-restorang en zyn personêel. Dat stoeg zogezeid op 'n Rôonberg. 't Dein e hêeln oop bekende Vloamiengn mei, moar ouk acteurs die ollêne bekend woarn van tonêel.

't Koekoeksnest liep van 1 januoari 1990 tout 31 december 1997. Iddern dag wos ’t er een episode van e menute of tiene, en ’t begoste juuste vôor de noene. 't Wos van meet an ol styf populair: 't programma oalde regelmoatig mêer of 1 miljoen luusteroars.

Specioal vo de 100e episode is hêel 'n equipe na 'n Rôonberg ofezakt om de aflevering ter plekke op te neemn.

Woa gink et over?[bewerkn | brontekst bewerken]

Albert en Maria koopn in 1989 e gebouw over van Julien Descamps, die d'r vo niet meugt bluuvn weun. Z'en 2 joengs: Sylvia, die in gank is mi de zeune van de concurrensje, en Freddie, die in 't restorang werkt moa mêer bezig is mi zyn muzikoptreedns. 'n Grôotn concurrent van 't Koekoeksnest is De Lekkerbek, ouk een otel-restorang op 'n Rôonberg. In 't Koekoeksnest beleevn ze diengn die olleman meimakt. 't Bezoundere wos ouk da de gebeurtenissn gelyk liepn mi d'actualiteit: a 't Weireldkampioenschappn voetbol woarn in 't echte leevn, ton wos 't ouk van dadde in 't Koekoeksnest.

Personages[bewerkn | brontekst bewerken]

  • Albert Leenders, eigenoare van 't Koekoeksnest: Ugo Prinsen
  • Maria Leenders-Baeten, zyn wuuf: Emmy Leemans
  • Freddie Leenders, nundern zeune: Robin David
  • Julien Descamps, oud-eigenoare: Jacky Morel
  • Veronique Windels, de moarte: Marleen Maes
  • Karel Olaerts, ulpe: Bert Champagne
  • Janine Goudblomme, kokkinne: Magali Uytterhaegen
  • Roger Deneyn, eigenoare van De Lekkerbek: Anton Cogen
  • Tim Deneyn, zyn zeune: Stijn Dewitte
  • Jenny Lemaire, vriendinne van Roger Deneyn: Suzanne Juchtmans
  • Eric Vervloet, neur zeune: Maarten Verbeuren
  • Torino, kok: Walter De Groote
  • Céline, moarte: Leen Persijn
  • Pauline, neur dochter: Sylvie Opsommer
  • Henk, moat van Eric: Henk Vermeulen
  • Fons Geiregat, gazettemarchang: Jo De Meyere
  • Mariette, zyn wuuf: Jenny Tanghe
  • Mielke Tullekens, colporteur van de gazettn: Will Ferdy
  • Koenraad Verschaffel, cultureel organisoator: Oswald Versyp
  • Henriette, griezelmadam in 't Koekoeksnest: Machteld Ramoudt
  • Charlotte, griezelmadam in 't Koekoeksnest: Lea Couzin
  • Va Vic, de voader van Albert Leenders: Jaak van Assche
  • Dokteur uut de streke: Lionel Demeyer
  • Little Joe: Kurt Defrancq
  • Pat Boon: Marc Lauwrys
  • Sylvia Leenders, de dochtre van Albert en Maria: Sara Vertongen, Sofie Laenen

Bepeizers & moakers[bewerkn | brontekst bewerken]

  • Dramaturgie: Michel De Sutter
  • Regie: Gie Laenen
  • Schryvers: Freek Neirynck / Gie Laenen / Marc Peters/ Guy Bernaert / Frank Van Laecke / Michel De Sutter...
  • Geluudsregie : Jan Van Driessche
  • Produkseassistense: Marinelle De Winne
  • Titelmuziek: Jan D'Hoine