Ôostnryk-Hongareye

Van Wikipedia
Ôostnryk-Hongareye
Ounder ‘t keizerryk Ôostnryk (Cisleithanië) in 't blêek geel:
1.Boheemn 2.Bukovina 3.Karinthië 4.Krain 5.Dalmatië 6.Galicië 7.Küstenland 8.Nederôostnryk 9.Moravië 10.Salzburg 11.Silezië 12.Stiermarken 13.Tirol 14.Ipperôostnryk 15.Vorarlberg
Ounder Hongareye (Transleithanië) in 't dounker geel:
16.Hongareye 17.Krowoasje-Slavonië
Ôostnryk-Hongoars condominium in 't oranje:
18.Bosnië-Herzegovina

Ôostnryk-Hongareye (1867-1918), ook Donaumonarchie genoemd, was e dubbelmonarchie die 51 joar bestound. ‘t Was êen van de grotste weireldmachtn in dien tyd.

't Was 'n unie in Centroal-Europa tusschn de krôon'n van 't keizerryk Ôostnryk en 't keunienkryk Hongareye, of de keunienkrykn en landn verteegnwoordigd in de Ryksroad (Cisleithanië) en de Landen van d’Hillige Hongoarsche Stefanskrôone (Transleithanië).

De dubbelmonarchie ountstound in 1867 achter den Ausgleich, e compromis (in 't Hongoars: kiegyezés), die in 't keizerryk Ôostnryk de stoatsrechtelikke verhoudienge tusschn Ôostnryk en Hongareye regelde.

In oktober 1918, ip 't ende van den Êeste Weireldoorloge, kwamt er en ende an.

De monarchie bestound uut modern Ôostnryk, Hongareye, Slovenië, Bosnië-Herzegovina, Krowoasje, Tsjechië, Slovakeye, grôote stikk’n van Servië en Roemenië, en klindere stikk’n van Italië, Montenegro, Pooln en Oekraïne.

Etnische groepn in Ôostnryk-Hongareye
't Woapnschild
Wikimedia Commons