1827

Van Wikipedia
Ga naar: Begunplekkn, zoeken
1824 - 1825 - 1826 - 1827 - 1828 - 1829 - 1830

't Joar 1827 is 't 27e joar in de 19e êeuwe volgenst de christelyke joartellienge.

Turku achter de grôte brand deur Gustaf Wilhelm Finnberg
Portreit van Willem I van de Nederlandn deur Matthijs van Bree

Gebeurtenissn[bewerkn | brontekst bewerken]

  • Fêestelyke openienge van 't Museum vo Weetnschapn en Lettern in Brussel.
  • 21 moarte - De joenge Brugschn avokoat en liberoale politieker Paul Devaux bepleit 't unionisme, d' êenheid tusschn katholiekn en liberoaln. Allêne tegoare kunn ze d' Hollanders overhoaln vo de rechtn van de Belgn in 't Keunienkryk van de Nederlandn te vrywoarn. Hy lanceert 't motto L'union fait la force (Êendracht makt macht).
  • 18 juni - In Rome wordt 't concordoat tusschn 't Verênigd Keunienkryk van de Nederlandn en Paus Leo XII oendertêkend. Groaf Antoine de Celles die ols buutngeweun gezant noa Rome gezoendn was, kost e concordoat ofsluutn vo de reloasjes mè 't Vaticoan te normaliseern.
  • 25 juli - Keunienk Willem I van de Nederlandn keurt d' overêenkomst goed die groaf Antoine de Celles en paus Leo XII den 18ste juni geslootn èn. 't Concordoat bepoalt dat de katholiekn in 't nôordn van 't land direct verboendn zyn met de paus. De keunienk goa gêen bisschopn mê benoemn mor houdt wel e vetorecht.
  • 4 september - Turku, de grotste stad van Finland, wordt deur brand bykan hêlegans verwoest.
  • 14 oktober - In de Nederlandn ist er zwoar protest van de liberoale en calvinistische opposiesje teegn 't concordoat tusschn de paus en keunienk Willem I. Doadeure wordt 't concordoat ip de lange boane geschoovn en bluuft alles lyk van te vôorn.
  • 18 november - Openienge van 't Kanoal Gent-Terneuzn die Gent verbiendt met de Westerschelde. 't Kanoal is gegroavn tusschn 1823 en 1827 ip initiatief van keunienk Willem I. In dien tyd makte België nog dêel uut van 't Verênigd Keunienkryk van de Nederlandn.
  • De kunstschilder Matthijs van Bree wordt benoemd toet directeur van d' academie van Antwerpn. Hy stoat in de groasje by keunienk Willem I.
  • De cartogroaf Philippe Vandermaelen briengt zyn Atlas Universel uut.
  • De Belgische metoalindustrie kent e nieuwe heriplevienge deur de bouw van hoogovens deur John Cockerill.

Geboorn[bewerkn | brontekst bewerken]

juli
  • 18 - Petrus Lambertus Goossens, Vlamsche kardinoal, eirtsbisschop van Mecheln
ogustus
  • 27, Charles De Coster, Belgische schryver
november
  • 12 - Gustav Merkel, Duutschn organist en componist

Gestorvn[bewerkn | brontekst bewerken]

moarte
  • 5 - Alessandro Volta (82), Italioansche nateurkundign, uutviender van d' elektrieke pile
  • 26 - Ludwig van Beethoven (56), Duutsche componist
ogustus
  • 12 - William Blake (69), Iengelschn dichter, schilder en graveur
Wikimedia Commons