De toale is ountstoan uut Nederlandsche dialectn van de zeevntienste êeuwe, en wierd vroeger Koap-Hollands genoemd. Woarschynlik is 90 tout 95% van de vocabulaire van Nederlandsche origine. Derneffest is de toale g'influenceerd deur Portugees, Frans, Maleis, Bantoe, Khoisan en de latstn tyd ook deur Iengels. De grotste verschill'n tusschn Afrikoans en Nederlands zyn de spellienge, woordvormienge en de grammaire.
Bykan 7 miljoen menschn in Zuud-Afrika, oftewel 13% van de totoale bevolkienge, hen Afrikoans vo moedertoale en 't is doamee de derde grotste toale van 't land achter Zoeloe en Xhosa. Blanke Afrikoanders vormn omtrent 40% (2,7 miljoen) van de sprekers.
Afrikoans is ook de moedertoale van 11% van d' inweuners van Namibië.
