Annatje van 't Pitje

Van Wikipedia
Naar navigatie springen Naar zoeken springen
De calvarie uut 1760 an de Carmersstroate 84 in Brugge

Annatje van ’t Pitje is e Brugsche legende.

Lange geleen weunde d’r e zekere Colette met ur pleegdochter Annatje in de Korte Speelmansstroate in Brugge. Omda Colette e poar kiekndievn ad angegeevn by de poliesje wildegen z’under wreekn.

Ip een avend liep Annatje noa ’t hoekstjie van ’t stratjie achter een êmertje woater. De dievn paktegen ur vaste, staakn e prop in ur mound, boundn ur vaste en smêetn ur in de woaterpit.

Os Colette ip zoek gienk achter ur dochter vound ze de mutse en ’t êmertje van Annatje en a ze direct deure wa dat er gebeurd was. Iederêen peisdege vaneigens dat Annatje verdrounkn was in de woaterpit.

Colette liep deur de snêeuw noa de Potterie en begost te smeekn en te leezn dat Onze-Lieve-Vrouwe eur pleegdochter were levend zou maakn.

Os Colette were thuus kwam vloog Annatje round ur nekke. De poliesje ad ur in de pit gevoundn. Ze was nie verdrounkn omda ’t woater in de pit bevroozn was.

De menschn uut de geburte en ton ols dank e calvarie ipgericht.

Brugsche calvarie[bewerkn | brontekst bewerken]

’t Pitje van Annatje ist er nu nie mi, moa de calvarie uut ’t joar 1760 bestoat nog assan in de Carmersstroate numero 84.