Anthonis de Roovere
Anthonis de Roovere (Brugge, ca. 1430 – Brugge, 16 meie 1482) was e Vlamsche schryver vo de rederykerskoamer De Heylighe Gheest in Brugge.
Zyn talent viel al ip ost 'n nog styf joenk was. An zyn zeevntien joar wont 'n e wedstryd in de Brugsche rederykerskoamer en vanof da moment mocht 'n hem Prins van Retorica noemn.
Je was metser moa je wierd vanof 1466, ip initiatief van Karel de Stoutn, die e joar loater hertog van Bourgondië zou kommn, ook deur de stad goed betoald ols stadsrederyker. Je schrêef dramatisch werk en proza, moa j' is surtout bekend vo zyn dichtvormn die in dien tyd populair woarn: rondêel, ballade en refreing.
J' had e scherpe kyk ip 't alledoags leevn en je schrêef over vanalles wat da volgns hem mis was an de moatschappie.
Ênigte bekende gedichtn
[bewerkn | brontekst bewerken]- Den droom van Rovere op die doot van hertoge Kaerle van Borgonyen saleger gedagten
- Vander Mollenfeeste
- Sotte amoureusheyt
- Pap ende broodt in doude daghen
- Die gheen pluymen en can strijcken
- Die door de wereldt sal gheraken
Mêest bekend : Lof van den heylighen sacramente