Antoine Brice

Van Wikipedia

Têekenienge van Antoine Brice gegraveerd deur Antoine Cardon: Trôost van d' Ôostnryksche monarchie by de dôod van keizer Leopold II

Antoine Brice (Brussel, in dien tyd d' Ôostnryksche Nederlandn, 26 meie 1752 – Brussel 23 januoari 1817) was e Belgische kunstschilder.

Antoine Brice was de zeune van de schilder Pierre-François Brice (1714-1794) die werkte by d' entourage van landvoogd Karel Alexander van Lotharingen. Zyn eign zeune Ignace was ook kunstschilder.

Antoine Brice begost zyn ipleidienge by zyn voader (1771-1775) en je kwam de 5de februoari 1783 mêester by de Corporoasje van Schilders in Brussel. Je volgde in tusschntyd e mêer klassieke ipleidienge an d' Academie vo Schilderkunst, Beeldhouwkunst en Architecteure in Brussel. Je won doar een êeste prys in 1776. Deur die vormienge en deur d' entourage van 't hof van de gouverneur-generoal kwamt ie den officiële schilder van d' aristocratische kriengn in Brussel ip 't ende van 't Ôostnryks Regime. Azo kwamt ie ook professor an d' academie van Brussel en je gaf lesse in klassieke kunst en de principes van 't têeknn.