Archeologie

Archeologie (Grieks: ἀρχαῖος archaios, oud of antiek – λόγος logos, studie) is de weetnschap die overbluufsels van oude cultuurn bestudeert vo 't verleedn te kunn reconstrueern. Die overbluufsels, surtout gebruuksvôorwerpn gemakt deur de mens (vakterm: artefactn), wordn by ipgroaviengn gevoendn.

Geschiedenisse van d'archeologie

Sedert 't verdwynn van de vroegste beschoaviengn moet 't zyn dan der restn gevoendn zyn van oude cultuurn, moa 't deurde toet de 19ste êeuwe êer dan ze toet inzicht kwoamn vo die prehistorische vôorwerpn ip e juste maniere te vergoarn, te ordenn en te verkloarn.

Gedreevn deur curiositeit noa d'ofkomst van de mens en under prehistorische vôorwerpn begostn menschn lyk Christian Jürgensen Thomsen, Charles Lyell en Charles Darwin al die chaotische verzoameliengn te ordenn en archeoloogn lyk Heinrich Schliemann, Lane-Fox Pitt-Rivers en William Flinders Petrie oentwikkeldn e verantwoorde maniere van ipgroavn.

Ofbeeldiengn die ier by passn ku je vien in de categorie Archaeology van Wikimedia Commons.