Assisi

Assisi

Assisi binn'n de provinsje Perugia
Regio	Umbrië
Provinsje	Perugia
Coördinoatn	43°04′NB 12°37′OL
Ippervlak	187,19 km²
Inweuners Bevolkiengsdichtheid	28294 (2017) 151,15 inw./km²
Postcode	06081
Website	Officieeln site van Assisi

Assisi es nen Italioanschn stad en gemêente binn'n de provinsje Perugia in de regio Umbrië, juuste o den ôostkant van Perugia zelve. 't Ligt ip de westlykke flanke van de Monte Subasio in de Centroale Oapenynn'n. Assisi es surtout gekend lyk bedevoartsplekke deur d'illign Franciscus en Clara van Assisi die ier leefdigd'n in de dertiende êeuwe. Olle gebouwn in Assisi die te moakn ein mè de franciscoan'n en de clarissn zyn ôok erkend deur den Unesco lyk weirelderfgoed. Vodder van de reste trekt de stad ôok masse touristn die komm'n vo 't schôon stadje zelve mè zyn nauwe stratjes en klêene wienkeltjes.

Liggienge

Assisi grenst an de gemêentn Bastia Umbra, Bettona, Cannara, Nocera Umbra, Perugia, Spello, Valfabbrica en Valtopina.

De gemêente bestoat uut 23 wykn en gehuchtn (frazioni): Armenzano, Capodacqua, Castelnuovo, Colle delle Forche, Costa di Trex, Mora, Palazzo, Paradiso, Passaggio d'Assisi, Petrignano, Pieve San Nicolò, Porziano, Rivotorto, Rocca Sant'Angelo, San Gregorio, Santa Maria degli Angeli, Santa Maria Lignano, San Presto, Sterpeto, Torchiagina, Tordandrea, Tordibetto en Viole.

Beziensweirdigeedn

Kerkn

De Sint-Fransciscusbazilieke
De Santa Maria Maggiore, d'oudste bestoande kerke van Assisi
De Sint-Rufinuskatheedroale
De Bazilieke van d'Illige Clara
De Bazilieke van Ouze-Lieve-Vrouwe van D'Ingelen (Basilica of Santa Maria degli Angeli)
De Chiesa Nuova ("Nieuwe kerke"), die gebouwd es in 1615 boovnip 't zôogezeyde gebôorte-uus van d'n Illign Franciscus
De Santo Stefano-kerke, êen van d'oudste kerkn van Assisi
't Eremo delle Carceri, de kluuzenoareye die uutgegroeid es tout 'n klêene abdeye mè by-ôor'nd kerksje, woa d'n Illign Franciscus em zôogezeyd ad truggetrokkn en mè de veugeltjes koeste koutn
De Sint-Pietersabdeye mè by-ôor'nde kerke, gebouwd in de tiende êeuwe deur de benediktyn'n en erbouwd in de dertiende êeuwe

And're gebown

De twêe middelêeuwsche kastêeln:
- 't Grotste, de Rocca Maggiore, es e stif grôote konstruksje die vo't grotste stik gebouwd es deur kardinoal Albornoz in 1366 en die wierd uutgebreyd deur de pausn Pius II in 1458 (deur 't byzettn van de vêeloekige torre) en Paulus III in 1535-1538 (mè 't bybouwn van't cylindervormig bastion by den entrée).
- 't Klêendere die gebouwd es in tydde van de Romein'n, wa mo gedêeltelyk bewoard es.
't Romeynsche amfi-theoater uut d'êeste êeuwe n.C.
De Piazza del Comune
Den tempel van Minerva die uutkykt ip de Piazza del Comune