Augustin Coppens

Dat artikel es geschreevn in 't Kustwestvlams.

Augustin Coppens (Gedopt: Brussel, 9 moarte 1668 - Brussel, 31 ogustus 1740) was e Brabantsche landschapsschilder, têekenoare en graveur. Je makte ook kartongs vo wandtapytn.

Leevn en werk

Coppens is geboorn in Brussel ols zeune van François Coppens en Anne-Marie Herremans. Je wierd de 9ste moarte 1668 gedopt in de parochie Sint-Goedele.

By de bombardementn ip Brussel deur de Fransche troepn in 1695 was zyn huus verwoest. Je makte doarip e serie van zeevntien têekeniengn van vernielde stadswykn: Perspectives des ruines de la ville de Bruxelles, dessinées au naturel par Augustin Coppens 1695. De reekse krêeg e grôote verspreidienge deur graveures, oender andere van Richard van Orley en Pieter Schenk (I) (oender den titel Ruinae Bruxellenses).

In 1698 wierd Coppens lid van de Sint-Lucasgilde, en in 1707 kwamt 'n zelfs deekn.

Je was gespecialiseerd in 't oentwerpn van landschappn, moa der zyn gêen schilderien van zyn hand bewoard gebleevn. Wel zyn der veele wandtapytn woaran dat 'n meegewerkt èt.

Zicht ip de ruïnes van de Grôote Markt van Brussel
Ruïnes van Brussel, gegraveerd deur Richard van Orley noar een oentwerp van Augustin Coppens
Wandtapyt deur Jan van Orley (figeurn) en Augustin Coppens (landschap): Overtocht deur de Rôo Zêe

Ofbeeldiengn die ier by passn ku je vien in de categorie Augustin Coppens van Wikimedia Commons.