Bellewaerde

Den ingank

Zicht up de Mexicoanse plaza in Bellewaerde

Bellewaerde Park is e pretpark in Zillebeke, in de provinsje West-Vloandern. 't Ligt ip 10 minuutn van Yper-centrum. 't Is vernoemd noa e beke die derlansen lopt. 't Park is eigndom van 't Fransche bedryf Compagnie des Alpes, die ôok de Walibi-parkn in handn het.

Ieder joar komn d'r om en bie de 900.000 bezoekers.

Bellewaerde is 54 hectarn grôot en stoat surtout bekend vo de vele bêestn en de maniere waarop olles gethematiseerd is. Bellewaerde is upgedêeld in verschillige themoatische stikkn, lik Mexico (stik met Huracan (woar da vroeger Los Piratas wos), El Volador, den Boomerang,...), Far West (me de keverkes, de River Splash, ...), Jungle (den Voodoo River - de vroegere Suske en Wiske-bôotjes, de Monorail, ...), India (den Bengal Rapid River, dn Bengal Express, ...), Canada (de Niagara, den Screaming Eagle, ...) en KidsPark.

De mascotte van 't park is e lêeuw die geklid is lik e keunink, gekend ounder de noame Koning Leeuw. In 't park vin je round de 30 attracties, 20 sôortn bêestn en ôok nog e grôot woaterpark (Bellewaerde Aquapark).

Geschiedenisse

Ip 3 juli 1954 is 't Toeristisch Centrum Bellewaerde upgericht in Zillebeke deur de familie Florizoone, de stichters van de Meli (vandoage den dag Plopsaland). In 't begun was 't eigentlik e dierentun en e safaripark. In 1971 is de noame veranderd in Bellewaerde Park, in 2014 hèn ze dat ingekort toet Bellewaerde, en sins 2021 noemt 't were officieel Bellewaerde Park.

Eigenoars

In oktober 1967 kwam Albert Florizoone te stervn, woarachter dat z'n vrouwe Maria t'ope met under drie zeuns de leidienge over 't park overpakt het. In 1990 is 't park upgenoomn in de Walibi Group, die z'n parkn in 1999 verkocht an Premier Parks, wat dat loater Six Flags European Division kwam. In 2004 is die groep verkocht, woarachter dat verre ol under parkn, met Bellewaerde derby, ounderdêel wierdn van de Spoansche groep StarParks. Vanof 2006 is Bellewaerde in d'handn van Compagnie des Alpes, die 't park toet ip den dag van vandoage beheert.

Attraksjes

Canada

Noame attractie	Sôorte attractie	Openiengsjoar	Bouwer(s)	Andere biezounderheedn	Fotto
Niagara	Shoot-the-Chute	1995	Interlink en Space Leisure	Hoogte: 20 m
Screaming Eagle	Shot and Drop	1999	HUSS	Snelheid: max. 70 km/u Hoogte: 50 m
Peter Pan	Rupsboane zounder zeil	1989 (2008)	Mack Rides	Toet 2007 in 't thema-gebied Indië, stoat sins 2008 ip de plekke van Octopus in 't thema-gebied Canada.
Big Chute	Patrôon:Nowrap	1989	Van Egdom	Hoogte: 10 m
Piroatnbôot	Schommelschip	1987	HUSS	Ip 29 & 30 april en 1 mei 2014 is d'r ip die attractie e weireldrecord gezet deur Sam Clauw, die moa liefst 50 eure lank is bluuvn zittn.
Dawson Duel	Duellerende rodelachtboane	2017	Wiegand	150px
Wakala	Familie-achtboane	2020	Gerstlauer Amusement Rides	Hoogte: 21 m Lengte: 660 m Snelheid: 50 km/u
Psssht Station	Barnyard	2023	Zamperla

India

Noame attractie	Sôorte attractie	Openiengsjoar	Bouwer(s)	Andere biezounderheedn	Fotto
Bengal Express	Roundrit langst de lêeuwn en tygers	1972	Space Leisure	Er zyn 2 trings.
Bengal Rapid River	Rapid river	1988	Vekoma en Space Leisure	8 persôonn per bôot Lengte: 451 m
Hampi	Nebulaz	2023	Zamperla
Hampi Playground	Speelpling	2023		't speelpling is 400 m²

Jungle

Noame attractie	Sôorte attractie	Openiengsjoar	Bouwer(s)	Andere biezounderheedn	Fotto
Jungle Mission	Rondvoarte, tow boat ride	1978, ol e poar keer veranderd en aangepast	Intamin AG	Noame tot 1982: Jungle Adventure Noame tot 1997: Het zoemende ei Noame tot 2011: Voodoo River

Mundo Amazonia

Noame attractie	Sôorte attractie	Openiengsjoar	Bouwer(s)	Andere biezounderheedn	Fotto
Rio Do Café	Boomstamattractie	1980	Reverchon	De grotste val is 12 m hooge ± 4 persôonn per bôot
Amazonia	Spinning Rapids Ride	2024	Intamin	2e verticale lift met tweede glijsessie, droptrack aan eind van de rit. 8 persôonn per bôot
Brazilian Buggies	Achtboane	2024	Zamperla	Kinderachtboane
Rio Do Cacao	Boomstamattractie	2024	ABC Rides	Model Mini Flume.

Mexico

Noame attractie	Sôorte attractie	Openiengsjoar	Bouwer(s)	Andere biezounderheedn	Fotto
Boomerang	Stoaln achtboane shuttle-achtboane Model: Boomerang	1984	Vekoma	Maximumsnelheid: 80 km/u Inversies: 2 kêer 3
El Volador	Topple Tower	2005	HUSS	Hoogte mast: 20 m Tuimeloek mè de ground: 60°
El Toro	Breakdance	2006	HUSS	Twiddeands attractie: tout 2005 in Walibi Holland
4D-Cinema	4D-film	2006		In 't zomerseizoen speelt er e verfilmienge van The Son of Bigfoot. Binst de halloweenperiode word er een andre film getoogd
Huracan	Overdekte stoaln achtboane	2013	Zierer	On-boardmuziek

Kids Park

Noame attractie	Sôorte attractie	Openiengsjoar	Bouwer(s)	Andere biezounderheedn	Fotto
Carrousel	Droaimooln	1983			150px
Palendorp	Speelpling	1985	Vernieuwd in 2015	mè angbruggn, nettn, tunnels en glijboann
Koffietassen	Theekopjesattractie	1989	Mack Rides
Magische Huis van Houdini	Madhouse	1999	Vekoma
Flying Carrousel	Zweefmooln	1999	Zierer
Kikker	Vrieëvoltoorn (Jumpin' Star)	2002	Zamperla
Exprestrein	Rondrit mè e klêen treintje	2002	Zamperla
Vlinders	Red Baron	2002	Zamperla
Tuff-Tuff	Rondrit	2002	Zamperla
Gekke Koets	Vliegend tapyt	2002	Zamperla
Minirad	Mini-reuzerad	2002	Zamperla
Dansende Ballonnen	Luchtballonnencarrousel	2002	Zamperla

Verdweenn attracties

Noame attractie	Sorte attractie	Themazone	Joarn in 't park	Bouwer(s)	Reedn van sluutienge
Cinema 180	Cinerama	Far West	Onbekend – 1986	Onbekend	Caput gegoan deur e brand achter e kortsluutieng in de moteur van de Enterprise
Enterprise	Enterprise		1981 – 1986	HUSS Park Attractions
Tico Tico Show	Animatronicsshow	Mexico	1986 – 2002	Onbekend	Veroudert en versleetn. Nu stoat de 4D-cinema ier
Dancing Queen	Zweefmooln, type Paratrooper		1989 – 2004	Frank Hrubetz	Moeste plekke moakn vo El Volador, doarachter veruusd noar De Valkenier
Ballenbad	Ballnbad	KidsPark	Onbekend – 2007	Onbekend	Onbekend
Glijbaan	Glyboane mè jutezakkn		Onbekend – 2007	Onbekend	Ofgekeurd
Monorail	Monorail	Stasjong: Jungle Attractieroute: Jungle, Far West, Mexico	1983 – 2007	Mahieu	Metaalmoeiedid
Octopus	Polyp	Canada	1980 – 2007	Carrouselbouw Holland (CAH) Van Velzen	Te oud vo te moakn. In 2008 is Peter Pan (die doavôorn in India stound) noar ier veruusd
Oldtimers	Rondrit	Far West	1981 – 2009	Metallbau Emmeln	Plekke moakn vo de Europeesche biezons
Los Piratas	Dark water ride	Mexico	1991 – 2012	Mack Rides	Veroudert, niert mi conform an de brandveiligid, te diere in ounderoud. In 2013 vervangn deur Huracan
Gold Rush	Stunt- & diveshow	Canada	2015- 2021		Bellewoarde wilde e nieuwe show: Bengali
Keverbaan	Kinderachtboane Model: Tivoli achtboane	Far West	1981- 2022	Zierer	Moeste plekke moakn vo Amazonia
Lilly's Casino	Arcadehal	Far West	1987-2024(?)		150px Komst van de nieuwe zone: Mundo Amazonia
Shooting Gallery	Schietkot mè effectn	Far West	1987-2024(?)		150px Komst van de nieuwe zone: Mundo Amazonia

Wist-je-datjes

• Bellewaerde is 't oudst bestoande themapark van België.
• Bellewaerde en 't "Lêeuwtje van Bellewaerde", de mascotte van 't park, komm'n vôorn in 't stripalbum De kattige kat uut de Reekse van Suske en Wiske.
• Een poar ofleveriengn van Merlina en Postbus X zyn upgenoom'n in Bellewaerde Park.
• De clips van de Samson en Gert-liedjes Jimmy de Cowboy en De bel doet het niet zyn upgenoom'n in 't Far West-dorp van Bellewaerde.
• Naast de bêestn en de attracties is er ôok vele d'andacht voe de blommn. Azo woarn der in 't verleen een poar blommn-evenementn, lik The Power of Flowers.
• Bellewaerde het twêe ingangn met elk under eign parkienge. D'n hoofdingang noemt Ingang Lêeuw (vroeger Ingang A), d'n ingang an 't Mexicoplein noemt Ingang Mexico (Vroeger Ingang C). Dat is omdat de noame "Parkienge B" ol gebruukt wordt voe de parkienge van 't personeel.
• Bellewaerde ligt bovenup de restantn van d'n Êestn Weireldoorloge, de plekke woa dat de Duutschers voe d'êeste kêe vlamm'nwerpers gebruuktn teegn de Britsche lōōpgravn.
• 't 281ste Jommeke-album Bollywood in Bellewaerde speelt hem deure in 't park.

Ofbeeldiengn die ier by passn ku je vien in de categorie Bellewaerde van Wikimedia Commons.

Externe koppelienge

• Officiëlen site