Beuvry (Nôorderdepartement)

Van Wikipedia
Naar navigatie springen Naar zoeken springen
Vrankryk Beuvry
Beuvry-la-Forêt
Blason de la ville de Beuvry (59) Nord-France.svg
Beuvry-la-foret.png
Beuvry in't arroundissement Dowoai
Geografie
Regio Hauts-de-France
Departement Noorderdepartement
Arroundissement Dowoai
Kanton Ôorschie
Coördinoatn 50°27′NB 3°17′OL
Ippervlak 12,52 km²
Inweuners
Inweuners

Bevolkiengsdichtheid

2758 (2017)
220 inw./km²
Andere
Burgemêester Thierry Bridault
Postcode 59310
Webadres Site van Beuvry


Beuvry ofte Beuvry by Ôorschie (Frans: Beuvry-la-Forêt ofte Beuvry-les-Orchies) es e gemêente in Vrankryk in't Noorderdepartement. 't Ligt hil o de zuudkantn van Frans-Vloandern, mêer bepoald in't arroundissement Dowoai teegn 't schee'n mè 't arroundissement Valencyn. Beuvry grenst an de gemêentn Landast, Sars-et-Rosières, Tilloy by Marsenne, Marsenne, Bouvignies en Ôorschie.

't Center van Beuvry ligt an d'oude boane van Ôorschie richtienge Sint-Amands an de Skarpe (d'uudige D953). Tweirs deur de gemêente lôopt ôok d'A23-ottostroade tusschn Villeneuve d'Ascq en Valencyn. 't Center ligt o de nôordkantn dervan en noem'n ze oltemets Beuvry-Bourg, 't gedêelte o de zuudkantn es Beuvry-Varlet. By de wyk Varlet woster in tydde ôok e stoasje an d'yzerboane die van Ôorschie zuudwoarts liep noar Somain, mor die es sedert de joarn 1990 ipgebrookn en es nu e wandel- en villoboane deur de veldn en de busschn van de gemêente.

Beuvry es êen van de gemêentn die liggn in't Regionoal Nateurpark in't bekkn van de Skarpe en de Schelde (Parc naturel régional Scarpe-Escaut), zynde 't gebied round Sint-Amands an de Skarpe die beschermd es deur zyn uutgebreyde biodiversityt.

Sport[bewerkn | brontekst bewerken]

De finoale van de koerseklassieker Parys-Roubei passeert traditionêel olangsn Beuvry. Ip't groundgebied van Beuvry ligter ôok e kasseystroke: 't begun van de Secteur pavé de Beuvry-la-Forêt à Orchies, ôok wel de Pavé Marc Madiot enoemd (secteur 14, e strooke van 3 ster'n die 1,4 kilomèiters lank es).

Beurvry eit ôok zyn eign villokoerse: de Grand Prix de Beuvry-la-Forêt die dêel uutmakt van de nationoale Fransche koersekalender. Van 2005 tout 2008 stound em ip de lyste van den UCI Europe Tour lyk e categorie 1.2-koerse.

Beziensweirdigeedn[bewerkn | brontekst bewerken]

  • De Sinte-Moart'nskerke uut d'achttiende êeuwe
  • 't Monument vo de gesneuvelde uut den oorloge
  • De Notre-Dame-de-Bon-Secours-kapelle
  • De Moulin Buret, nen otn'n meuln uut d'achttiende êeuwe
  • E grôo stik van't Bus van Marsenne ligt o de zuudkantn van't groundgebied van Beuvry
De Sinte-Moart'nskerke van Beuvry
Wikimedia Commons