Bielefeldcomplot

Van Wikipedia
Bielefeldcomplot.

't Bielefeldcomplot (Duuts: Bielefeldverschwörung) is e satirische complottheorie, woarmee da ze willn bewyzn dat de Duutse stad Bielefeld nie bestoat. De bedoelienge van den theorie is tônen da ge complottheoriën nie kunt bewyzn zoender ne cirkelredenerienge. De klucht ontstoend voor 't eêrst in 1994 ip Usenet, woarna dat 't ip 't Duutse internet ne vrêe bekende klucht werd.

Inoed[bewerkn | brontekst bewerken]

In 't kort: de stad Bielefeld bestoat nie. "Ze" willn us doen geloavn dat em wel bestoat door derôver te klappn in de media en dôor em ip de koarte te zettn. "Ze" zijn bykans altied de CIA, de Mossad of aliens (der zyn mêerdere versies en in den êerste versieje zeggn ze nie wie da 't is).

Om den theorie te bewyzn, kunt ge dêze drie vroagn stellen:

  1. Kent gy etwien ut Bielefeld?
  2. Zyde gy ôoit al e kêer noa Bielefeld gewist?
  3. Kent gy etwien die al e kêer noa Bielefeld gewist is?

Voe de mêeste internetgebrukers is 't antwoard ip die drie vroagn olle kêer "nink", en etwien die "joak" antwoardt, ka simpelweg weggezet wordn lik en oenderdêel van 't complot.

De ploats woar da Bielefeld ligt, wordt waarschienlyk gebruukt voa militaire diengn en ontmoetiengen med aliens. Om te zorgen da "ze" der niks van wêetn, gebruukn ze wôordn "'t B-woord", "B*e*e*e*d" of "Bielefake".

Openboare reacties[bewerkn | brontekst bewerken]

't Bielefeldcomplot bluuft één van de populairsten internetkluchten in Duutsland.

In november 2012, klapte de Duutse Bondskanseliere Angela Merkel over 't Bielefeldcompplot toen da ze 't ad over ee stadus da z'ad bezocht in Bielefeld, en ze zeide "...als 't zelfs bestoat" en "'k had den indruk da 'k doar was."

Officiële reactie[bewerkn | brontekst bewerken]

't Stadsbestuur van Bielefeld doe ze best om publicityt voor Bielefeld ip te wekkn en en imago te creëern voe de stad. Pertanks wordt de burgemêester na 17 joare nog ossan gebeld om te vroagn of dat de stad bestoat.

In 1999, vuuf joar na da de miete begon, bracht 't stadsbestuur van Bielefeld e persbericht uut da hêette: "Bielefeld gibt es doch!" (Bielefeld is 't er wél!), juste ip éên april. Den 800ste verjoardag van de stad werd geoedn oender 't motto "Das gibt's doch gar nicht."

Film[bewerkn | brontekst bewerken]

In 2009 begonnen filmstudenten aan de Bielefeldsen Universiteit te werkn aan ne langspeelfilm ôver 't Bielefeldcomplot. 't Project werd gesponsord door den universiteit en lokale geldschieters. De film kwam ut ip 2 juni 2010.