Bloebleine

E bloebleine is e sôorte van bleine die gevormd wordt ot er weefsels en bloedvoatn oender 't vel beschoadigd zyn zoender da 't vel deuregestekt is. De bloebleine bestoat uut lymfe, bloed en andere lichoamelyke vloeistoffn die vaste zittn oender 't vel. Ot de bleine oopngestekt wordt komt er e doenkere vloeistoffe uut. Sommigte bloebleinn kunn styf pynlyk zyn.

Ôorzoakn

Bloebleinn wordn geweunlyk veroorzakt deur accidentn woarby da 't vel gekneepn wordt tusschn alloam, machienn of zwoar gewicht zoender beschermnde klêern. 't Kan ook 't gevolg zyn van te geweldig menschelyk contact, lyk deur nypn en vastepakkn. De bleinn kunn ook oentstoan deur constant wryvn van 't vel teegn een ippervlak. Doadeure krygn roeiers en drummers dikwyls bloebleinn ip under handpalmn en viengers.

Ofbeeldiengn die ier by passn ku je vien in de categorie Blood blisters van Wikimedia Commons.