Bockor
- Dit artikel es geschreevn in 't Kortryks, en da zou best ozô bluuvn.
Bockor es een brouwery uut Bellegem en wok de noame van nen pils da ze doar brouwn.
Geschiedenisse
[bewerkn | brontekst bewerken]Remi Vander Ghinste begoste in meie 1892 mè bier brouwn in Bellegem: ie kocht een doeninge en brouwery voor em en zyne zeune Omer, en ze begostn mè 't brouwn van "Oude Tripel". In 1918 kwam't er een moutery by. In 1930 bouwdn ze een loage-gistiengstoorn die je nog olsan keunt zien in Bellegem. De toorn wos nôdig voor et "Ghint pils", da in 1938 veranderde van noame in "Bockor". Vanof de joarn '70 begostn ze te diversifiëern en brochtn ze Jacobins Geuze, Jacobins Kriek en Jacobins Framboise uut. In de joarn '90 ein ze udder gamma verjongd me udder Kriek biern: de Kriek Nieuwe Oogst en de Kriek Max. Z'ein deur de joarn verskillnde pryzn gewonn mè udder biern.
Productn
[bewerkn | brontekst bewerken]- Bellegems Bruin: de vroegern "Ouden Tripel"
- Blauw: export-bier
- Bockor pils: udder 'geweun' bier
- Framboise Max: een bitje lik Kriek Max, moar nu me frambôozn in plekke van kriekn
- Geuze Jacobins: oude lambic versneen mè jonge lambic. Amberkleurig en zoetzuur van smoke
- Kriek Jacobins: bier ip boasis van kriekn en lambic
- Kriek Max: mêer kriekn en minder alcool of de Jacobins
- Passion Max: nen nieuwn telg in de Max familie, gemakt me zuuderse en exotische vruchtn gelyk passievruchtn
- Omer