Bos (geslacht)

Dat artikel es geschreevn in 't Noordelik West-Vlams.

Bos

E Zwitsersche koeie (Bos taurus)

Ryk:	Animalia (Beestn)
Stamme:	Chordata (Chordabeestn)
Klasse:	Mammalia (Zoogbeestn)
Orde:	Artiodactyla (Eevnhoevign)
Familie:	Bovidae (Holhoornign)

Geslacht

Bos
Linnaeus, 1758

Bos is e geslacht van eevnhoevige zoogbeestn, en 't typegeslacht van de familie van de holhoornign (Bovidae).

Al de soortn zyn groazers, mè grote tandn vo 't plantoardig eetn dan ze binnkrygn of te breekn. 't Zyn herkauwers, met e moage mè vier koamers vo 't plantematerioal te kunn verteirn.

Bos primigenius, de oeros, was de directe voorouder van de runders van nu. De beeste van 3 meter lank, wierd lyk vee g'houdn deur de mensachtign die in dien tyd leefdegn, oengeveer 6000 joar geleen. Der wierd al lange jacht gemakt ip de oeros, toetdat de beeste deur overbejoagynge uytendelyk in 1627 in Pooln uytstierf. In Lascaux, Midn-Vrankryk, zyn der beroemde rotsschilderyngn, woarip dat de oeros stoat ofgebeeld. Restn van de beeste wierdn gevoendn in Europa (Groot-Brittannië en Pooln), Indië en Noord-Afrika.

Soortn

't Geslacht Bos wordt oenderverdeeld in oendergeslachtn: Bos, Bibos en Poephagus (somtyds ook Novibos).

Oendergeslacht Bos
- Bos taurus (Rund)
- Bos primigenius (Oeros, uytgestorvn)
Oendergeslacht Bibos
- Bos gaurus (Gaur: Aziatische rundersoorte)
- Bos javanicus (Banteng: wild rund uyt de busschn van Zuydoost-Azië)
Oendergeslacht Novibos
- Bos sauveli (Kouprey: rund uyt Zuydoost-Azië)
Oendergeslacht Poephagus
- Bos mutus (Jak: Centroal-Azië)

Bos gaurus (Gaur)
Bos javanicus (Banteng)
Bos mutus (Jak)