Bretoens

Toaln in Frankryk en omstreekn

Tweetoalige signalisoasje Frans-Bretoens in de stroatn van Quimper in Bretagne

Bretoens (Brezhoneg in 't Bretoens) is e Keltische toale die geklapt wordt deur 206.000 menschn ip 't schiereiland Bretagne in Frankryk.

De noame Brezhoneg wil zeggn Bretoensche toale en wordt uutgesprookn lik [bʁe'zõːnək] of [bre'zõːnɛk]. 't Bretoens makt deel uut van de groep Eiland-Keltische toaln, dus van origine van 't eiland Groot-Brittannië, meer bepoald van 't Brythonisch. De toale is verwant me 't Cornish en 't Welsh, toaln die geklapt wordn in 't Verenigd Keunienkryk. In de streke wordt ook Gallo geklapt, e klene toale die ofstamt van 't Latyn en dus e Romoansche toale is lik 't Frans.

't Bretoens is e bedreigde toale. 't Wordt surtout nog geklapt deur oudere menschn. In 1999 is't er en instansje ipgericht, Office public de la langue bretonne (Ofis publik ar Brezhoneg), die der alles an doet vo de Bretoensche toale en cultuur te bewoarn.

Dialectn

D'r zyn vier Bretoensche dialectn:

• Cornouaillais
• Léonard
• Trégorrois
• Vannetais

Bretoensche dialectn ip 't schiereiland Bretagne

Zie de Bretoensche uutgoave van Wikipedia.

Ofbeeldiengn die ier by passn ku je vien in de categorie Breton language van Wikimedia Commons.