Briek Schotte

Briek Schotte
Algemêne informoasje
Geboortedoatum	7 september 1919
Geboorteplekke	Koanegem
Sterfdoatum	4 april 2004
Sterfplekke	Kortryk
Werk
Beroep	Coureur, ploegleider
Sport
Sport	wegwielrennen
Land vo sport	België
Ounderdêel	wegwielrennen
Club	Alcyon, Faema, Peugeot, Libertas
Diverse
Dêelnemer an	Rounde van Vrankryk, 1955 Scheldeprijs, 1955 Gent–Wevelgem, 1954 Kampioenschap van Vlaanderen, Dwars door Vlaanderen 1953, 1952 Paris–Brussels, Wereldkampioenschappen wielrennen 1950, 1950 Gent–Wevelgem, GP Stad Vilvoorde 1949, Wereldkampioenschappen wielrennen 1948, Ronde van Vlaanderen 1948, Parijs-Tours 1947, 1946 Ronde van Luxembrug, Parijs-Tours 1946, 1946 Paris–Brussels, Ronde van Vlaanderen 1942, 1941 Kampioenschap van Vlaanderen, Omloop van het Westen 1939, Challenge Desgrange-Colombo 1948, Challenge Desgrange-Colombo 1952
Pryzn en ounderscheidiengn	Nationale Trofee voor Sportverdienste (1950)
Archieflocoasje(s)	Stadsarchief Waregem
D'informoasje in deze infobox komt van Wikidata. Je kunt die informatie anpassen.

Standbild van Yzern Briek an de kerke van Koanegem deur Jef Claerhout

Albéric (Briek) Schotte, bygenoamd Yzern Briek (Koanegem, 7 september 1919 - Kortryk, 4 april 2004) wos e coureur en sportdirecteur.

En ed twè kêers de Rounde van Vloandern gewounn (1942 en 1948). In totoal et ie twientig kêren meegedoan an die Roende. E wos ôok twè kêers weireldkampioen (1948, in Valkenburg en 1950, in Môoslee). In 1948 wos'n ôok twiddn in de Tour de France achter Gino Bartali. Ols beroepsrydre wint ie 61 koersn.

Briek wos e werker en e wroeter op zyn vèlo: een echtn Flandrien. In Koanegem stoat er e beeld van nem, gemakt deur Jef Claerhout.

Ie bluuft koersn toet an zyn feertigste. Achter zyn carrière als coureur, est ie nog 30 joar lank me veel sukses sportbesteurdre by Flandria en Kas. Oender andre Walter Godefroot, Herman Van Springel, Eric Leman, Roger De Vlaeminck, Jean-Pierre Monseré en Freddy Maertens ryn ounder zyn leidinge. Schotte è zyn suksessen ôok te dankn an slim tactisch deurzicht. In verband me koerstactiek zeit ie: "Zeire ryn ols je zeire moe ryn, en nie zeire ryn ols je nie zeire moe ryn."

Ie sterft in 2004, zjuuste up den dag van de 88ste Roende van Vloandern. Up zyn begroavinge wordt ie de kerke binngedroagn deur Rik Van Looy, Benoni Beheyt, Eddy Merckx, Roger De Vlaeminck, Freddy Maertens, Eric Leman, Sean Kelly en Frank Vandenbroucke.

In Desselgem, 'n dêelgemêente van Woaregem wordt er olle joare de Grôte Prys Briek Schotte gereen.

Externe koppelienge

• Van olles over Briek up De Wielersite