Brody Neuenschwander

Van Wikipedia
Naar navigatie springen Naar zoeken springen

Brody Neuenschwander (Houston, Texas 1958) is ’n Amerikoansche Calligrafie-kunstenoare, die nu in Brugge weunt.

Je studeerde kunstgeschiedenisse an de Princeton University en ‘t Courtauld Institute in Londn. J’hoalde zyn PhD in 1986. Doar achter begost ie kalligrafie te studeern an ‘t Roehampton Instituut en kwamt ie assistent van Donald Jackson.

Van 1988 werkt ie ols free-lance kalligroaf, êest in Grôot-Brittannië en nu in Brugge.

Je werkt vo d’Amerikoansche, Britse en Belgische regerienge, de BBC, Time-Life en de Royal Mail, en Peter Greenaway gebruukte zyn werk in verschillige films, o.a. Prospero's Books en The Pillow Book.

J’hèt ook de Calligrafie en ’t design gedoan vo de verzoamelalbum Paint the Sky with Stars van de Ierse muzikante Enya.

J’he verschillige pryzn gekreegn, o.a. de D&AD Silver Award in 2000 en de Belle Lettere Award in 1997.

Brody is getrouwd met e Brugsche en je kocht in 1993 ’n oud hêernhuus in ’t historisch center van Brugge.

By de verbouwiengswerkn hèt ’n vele zelve gedoan en binst dat ’n kalk van de meurn an ’t doen was, kwoamn der oude middelêeuwse meurschilderiengn blôot. J’hè ze loatn restaureern, achter dat ‘n ’t stad verwittigd haad.

De werkn an zyn huus hèn e grôotn invloed g’hed ip zyn kunst deurdat ’n oude techniekn bestudeerde.

Externe koppelienge[bewerkn | brontekst bewerken]