Brouwery Aigle Belgica

Van Wikipedia
De vôormoalige bureaus van den Aigle Belgica, an de Sint-Annareie in Brugge.

De Brouwery Aigle Belgica was een brouwery ontstoan in 1928 van de fusie van Den Arend (Aigle) uut Brugge en Belgica uut Gent.

Brugge[bewerkn | brontekst bewerken]

Teegn de Carmersbrug bestound in 1553 de brouwery Den Arend, meugeliks 't gevolg van een uutboatienge die êerder bestound in de Nôordzanstroate ounder de naamn Zevensterre en loater Den Blauwen Arend.

Vanof 't begin van de 19e êeuwe was de familie De Meulemeester d' eigenoare van die brouwery. Zyn zeune Léon trouwde met Virginie Verstraete, een dochter van d' eigenoars van de Brugse Gisfabrieke die loater overgenoomn wierd door de Koninklijke Nederlandsche Gist- en Spiritusfabriek uut Delft.

De produktie bestound hoozakelik uut pils en witte biern en zorgde vôr d' uutbreidienge in d' onmiddellik omgevienge: de Carmersstroate, de Sint-Annareie, de Korte Blêkerstroate, de Elisabeth Zorghestroate, de Ropeerdstroate en de Potterie. Hêel huuznblokkn giengn teegn de ground en sommigste stroatn verloorn under openboar karakter. De Arend of Aigle in Brugge was êen van d' êeste brouweryn in België die 't lêege gistingsproces toepastige en azô 't pilsbier populair makte. De pils wier verkocht ounder de name BAB-Pils en Aigle-Pils. Een dêel van de produktie wierd achdter de twidde wêrldorloge gebrouwd in de Brouwery Krüger in Êeklo. In 1953, vô den okkoazie van't 400-joarig bestoan van de brouwery, wierd een nieuw sôorte pils, BAB400, gelanceerd.

Gent[bewerkn | brontekst bewerken]

De Belgica laag an de Nieuwe Wandelienge teegn de hudige stadsrienk ter hoogte van de Rooigemloane. Een café met de name Belgica up den hoek van de twê stroatn herleef nog d'herinneriengn van 't verleden a poar huuzn verder. Omdat de lôonn in Gent hoogr woarn dan in Brugge, stoptn ze dô mê brouwn in 1947. De werknemers giengn gon werkn by Brouwery Meiresonne in Gent.

By d' ountmantelienge van de Belgica wierd 't koper brouwmaterioal upgekocht deur Brouwery Strubbe uut Ichtegem.

Ende[bewerkn | brontekst bewerken]

Round 1970 wierd er vier kê per dag gebrouwd in een ketel van 300 hectoliter. d' Er wierd ton 2.599.360 kg gestort deur 200 werknemers.

In 1978 naam Piedbœuf de brouwery over, en loater wierd da upgenoomn deur Interbrew en nog loater deur Inbev.

Êest wierd de vestigienge in Brugge een dèpot, en loater, in 1985, wierdn de gebouwn ofgebrookn. In Gent wierd de brouwery ommegebouwd toet een garage.