Catalonië

Van Wikipedia
Spanje Catalonië
Catalunya, Cataluña, Catalonha

Liggienge in Spanje
Hoofdstad Barcelona
Toaln Cataloans, Spoans en Aranees
Ippervlak 32.105 km²
Inweuners

Bevolkiengsdichtheid

7.522.596 (2016)
234 inw./km²
President Pere Aragonès
Website Generalitat de Catalunya
{{{foto}}}
{{{byschrift}}}

Catalonië (Cataloans: Catalunya, Spoans: Cataluña, Aranees: Catalonha) is één van de 17 zelfstandige Spoansche regio's met oungeveer 7 miljoen inweuners in 't noordoostn van Spanje. 't Is t'ope met 't Basknland de moteur van de Spoansche economie en 't rykste stik van 't land. Den oofdstad is Barcelona.

Catalonië eet e sterk identiteitsgevoel met een eign toale en een eign parlement. Sins kort een z'ook weer een eign statuut (in 't Cataloans wilt dadde eigenltik 't zelfste zeggn lik e groundwet woarin dat er gesteld wordt da Catalonië een noatie is binn Spanje). De Cataloansche bevolkienge is in 't algemeen vree jovioal en stoat oopn voe nieuw bloed. In Spanje zelve zyn de Cataloann wel gekend voe nogol up under geld te zittn.

Geschiedenisse[bewerkn | brontekst bewerken]

Catalonië was een ounafhankelik land van in de vroege middeleeuwn. 't Eeste Cataloanse parlement dateert uut 'n elfde eeuwe. De goudn tyd van de Cataloanse geschiedenisse is round de dertienste en veertienste eeuwe. In de vichtienste eeuwe aan ze zyder zelfs een consuloat in Brugge. In 1714 verliest Catalonië 't geen dat er nog overgebleevn was van z'n eigen instelliengn o de keunienk Filip de vuufdn heel 't Iberisch schiereiland wil centraliseern no z'n eigen gedacht. De Cataloansche toale en cultuur werdn me geweld verbann deur de Spoansche bezetters. De Cataloann kreegn were e vorm va zefbesteur binst de Twidde Spoansche Republiek in de joarn 1930.

Ten tyde van generoal Franco wierd de zelfstandigheid van 't gebied en zelfs de toale styf ounderdrukt. 't Is moa achter de dôod va Franco dan ze were autonomie winn, met een eign parlement (De Generalitat).

Geografie[bewerkn | brontekst bewerken]

Catalonië is een styf ofwisselnde regio. Der zyn bergn voe te skiën in 't noordn en meer of 350 kilometers kust, woavan dat 't eeste stik, dichtste tegen de Fransche grenze de Costa Brava genoemd wordt.

Catalonië bestoat uut vier provinsjes (de noame van d'oofdplatse is gelyk an de noame van de provinsje):

Wikimedia Commons