Chemische stoffe

Van Wikipedia
Naar navigatie springen Naar zoeken springen
Dat artikel es geschreevn in 't Noordelik West-Vlams.

Stoom en vloeiboar woater zyn twèe verschillige vormn van dezelfste chemische stoffe, woater

E chemische stoffe is e vorm van materie met e constante chemische soamnstellienge en karakteristieke eignschappn, lyk dichtheid, geleidboarheid en smeltpunt. Chemische stoffn kunn simpele stoffn zyn, chemische verbiendiengn of legeriengn.

Chemische stoffn wordn dikwyls 'zuyver' genoemd. Dat is vor en oenderscheid te moakn mè miengsels. E bekend voorbeeld van e chemische stoffe is zuyver woater. 't Hèt dezelfste eignschappn en dezelfste verhoedienge van woaterstoffe toet zeurstoffe, of 't nu uyt e riviere g'isoleerd wordt of in e laboratorium gemakt. Andere chemische stoffn die dikwyls in zuyvere vorm angetroffn wordn, zyn diamant (koolstoffe), goed, keuknzoet (natriumchloride) en geraffineerde suyker (sucrose).

Chemische stoffn bestoan oender de vorm van vaste stoffn, vloeistoffn, goaze of plasma en ze kunn verandern in fase van materie deur veranderienge in temperateure, druk en tyd. Chemische stoffn kunn gecombineerd wordn of ommegezet noar andere deur chemische reacsjes.