Civitella del Tronto

Van Wikipedia
Itoalië Civitella del Tronto

Civitella del Tronto binn'n de provinsje Teramo
Regio Abruzzo
Provinsje Teramo
Coördinoatn 42°46′NB 13°40′OL
Ippervlak 77,74 km²
Inweuners

Bevolkiengsdichtheid

4832 (2018)
62,16 inw./km²
Postcode 64010
Website Officieeln site van
Civitella del Tronto


Civitella del Tronto es en Italioansche gemêente in de provinsje Teramo in de regio Abruzzo. 't Ligt in't nôord'n van de regio, teegn de schreeve mè de Marche ip apeupri 16 kilomèiters o de nôordkant van 't stad Teramo en 18 kilomèiters o de zuudkant van Ascoli Piceno.

Zicht ip de burcht van Civitella del Tronto

Civitella del Tronto ligt in't Nationoal Park van de Gran Sasso e Monti della Laga. 't Stadje wierd deur zyn sjiek uutzichte bezien lyk êen van de schôonste van Itoalië.

't Achtervoegsel "del Tronto" by de noame van de gemêente verwyst noar de valleye van de riviere de Tronto die wa vodder o de nôordkantn ligt.

Liggienge[bewerkn | brontekst bewerken]

Civitella del Tronto grenst an de gemêentn Ascoli Piceno (in de gelyknoamige provinsje), Campli, Folignano (ôok in de provinsje Ascoli Piceno), Sant'Egidio alla Vibrata, Sant'Omero en Valle Castellana.

Liggienge van de provinsje Teramo in Itoalië

De gemêente bestoat uut 31 wykn/gehuchtn (frazioni): Borrano, Carosi, Cerqueto del Tronto, Collebigliano, Collevirtù, Cornacchiano, Favale, Fucignano, Gabbiano, Le Casette, Lucignano, Mucciano, Pagliericcio, Palazzese, Piano Risteccio, Piano San Pietro, Ponzano, Ripe, Rocche, Sant'Andrea, Sant'Eurosia, Santa Croce, Santa Maria, Santa Reparata, Tavolaccio, Valle Sant'Angelo, Villa Chierico, Villa Lempa, Villa Notari, Villa Passo en Villa Selva.

Beziensweirdigeedn[bewerkn | brontekst bewerken]

De burchte van Civitella es de grotste van Itoalië en de twidde grotste van Europa achter den Hohensalzburg in Salzburg (Ôostnryk). 't Ligt ip den top van e rotse, mè en lengte van apeupri 500 mèiters en e brêedte van 45 mèiters, ezo kom je an en totoale ippervlakte van 25000 vierkante mèiters.

In Civitella del Tronto liggn der ôok schôone religieuze gebouwn:

  • De San Francesco-kerke, die ebouwd es in 1326 in Gothisch-Romoanschn styl, mo de binn'nkant dervan es mêer barok.
  • De San Lorenzo-kerke, die in d'achttiende êeuwe erbouwd es gewist in barokstyl mo wel nog z'n vroegere façoade uut de renaissance eit.
  • De Santa Maria degli Angeli-kerke uut de vuuftiende-zestiende êeuwe
  • 't Illigdom en 't klôoster van Santa Maria dei Lumi uut 1466
  • d'Abdeye van Santa Maria in Montesanto, e benediktynn'n-abdeye die volgest de legende zo gesticht gewist zyn in 542 deur d'n Illign Benedictus van Nursia zelve. In de twoalfde êeuwe wos ze êen van de machtigste abdey'n van de streke, mo vanof de loate vuuftiende êeuwe rakte ze in vervol.

Ôok schôon om ziene zyn d'oumligg'nde bergn van karstgestêente in't landschap van de Montagna dei Fiori (lettrlyk vertoald "Blomm'nberg") die dêel uutmakt van de Monti Gemelli in de Centroale Oapenynn'n.

Wikimedia Commons