Concertgebouw (Brugge)

Van Wikipedia
Naar navigatie springen Naar zoeken springen
Concertgebouw
Stikstje van et zicht van ip et Concertgebouw
't Zand met Concertgebouw

Et concèrtgebouw is et gebouw in Brugge geleg’n an 't Zand, et grotste pling van de stad. Der is een concèrtzoale in vo 1300 man en een kamermuziekzoale. ’t Gebouw is oungeveer 120 m lank, 50 m brèèd en 35 m ooge.

Oentstoan[bewerkn | brontekst bewerken]

Et concèrtgebouw is gebouwd nor anleidinge van Brugge 2002, os Brugge culturèèln oofdstad was van Europa (t’ope me Salamanca in Spanje). Der wier een internationoale wedstryd uutgeschreevn die gewounn wier deur de Gensche architecten Paul Robbrecht en Hilde Daem.

Den oek van 't Concertgebouw

’t Gebouw[bewerkn | brontekst bewerken]

’t Gebouw vol nie allène ip deur z’n grotte, moar ook deur z’n speciefieke warme ro kleur die gevormd wor deur 68.000 terracottapannetjes die an de butekant van ’t gebouw angn. Der zyn 7 verdiepingn en vanip ’t oogste e je een oungelooflik schoan zicht ip de stad. Der is een concèrtzoale in vo 1300 man en een kamermuziekzoale me 320 platsn. Olles is in een sobere vormgevienge en der is een perfecte akoestiek. Ip d'oogste verdiepingn is ter een tentoanstellinge van edendaagse kunst. ’t Gebouw wordt ook gebruukt vo seminoaries en evenementen.

Nie olleman was content[bewerkn | brontekst bewerken]

Vele Bruggeliengn viendn dat et gebouw nie past in een istorische stad lik Brugge. Et oungenoegen wer nog versterkt on z’oorden da den oorsprounkelikke prys van ’t gebouw zo goed of verdubbeld is. En da wer ton nog een kèè versterkt deur de pannetjes die èèst nie bleevn angn en kapot ip de ground vieln, wodeure dan ter ton een nieuwe soarte pannetjes moesten kommn, enz. De voarstanders wyzn der ip da de kleur verwyst no de kleur van de dakpann van de Brugs’ uuzn, die zekers ipvolt o je kykt vanip ’t boveste verdiep van ’t concèrtgebouw. Ze zeggn ook dan de menschn ôorsprounkelik ook teegn et theatergebouw woorn in Brugge omdat 't zo ‘modern’ was, en dat er do nu niemand mer een probleem mee et.

Externe koppelienge[bewerkn | brontekst bewerken]