Cork

Van Wikipedia
Ga naar: Begunplekkn, zoeken
Dat artikel es oorsprounkelik geschreevn in 't Kustwestvlams.

Ierland Cork
Corcaigh
Corkcitycouncil.png
Cork City Montage Quick Collage of CC Commons Cork Images.jpg
City Hall, English Market,
University College Cork, Riviere de Lee,
Shandon Sint-Annekerke
Geografie
Provinsje Munster
Groafschap County Cork
Coördinoatn 51°53′NB 8°28′WL
Ippervlak 37,3 km²
Bevolkienge
Inweuners

Bevolkiengsdichtheid

125.622
3.368
Mêer info
Website www.corkcity.ie

Cork (Iers: Corcaigh) is e stad in Ierland. 't Is d' hoofdstad van 't gelyknoamig groafschap en 't ligt in de provinsje Munster, by de zuudkust van 't eiland.

De riviere de Lee stroomt deur Cork. Een eiland in 't middn van de riviere vormt 't grotste gedêelte van de stad, juste vo dat de Lee uutmoendt in Lough Mahon en doarachter in d' hoave van Cork, êen van de grotste nateurlyke hoaves ter weireld. De noame Cork komt van 't Iers woord corcaigh da moerassige plekke wil zeggn, en verwyst noa de liggienge an de riviere. Der is ook een internationaal vliegpling, Cork Airport.

Geschiedenisse[bewerkn | brontekst bewerken]

Cork is gesticht deur Sint Finbar in de 6e êeuwe roend e klôoster. Tusschn 915 en 922 krêeg Cork e stedelyk karakter ton da kolonistn uut 't Nôordn (Vikings) een handelshoave iprichttn.

Binst d' Iersche oorloge vor oenofhankelykheid in 1920 is de stad grôotndêels verwoest gewist deur e brand. The Burning of Cork gebeurde in de nacht van 11 ip 12 december van 1920 deur Iengelsche paramilitaire organisoasjes, lik de Black and Tans. Die gebeurtenisse wordt deur d' Iern anzien lik êen van de kêerpuntn in de geschiedenisse van d' oenofhankelykheid van Ierland.

Beziensweirdigheedn[bewerkn | brontekst bewerken]

De stad èt twêe grôote kathedroaln: St. Mary's Cathedral, de kathedroale van 't bisdom van de Church of Ireland en St. Finbar's Cathedral, zetel van 't Rooms-Katholiek bisdom Cork en Ross.

St. Patrick's Street is de belangrykste wienkelstroate.

't Bekendste gebouw is de torre van de Sint-Annekerke, symbool van de stad, in 't district Shandon. Andere interessante gebouwn zyn Cork City Hall, Elizabeth Fort, Cork Opera House, University College Cork en de English Market.

Cork was in 2005 culturele hoofdstad van Europa.

St. Finbar's Cathedral
Wikimedia Commons