Deauville

Dat artikel es geschreevn in 't Kustwestvlams.

---

Deauville
Koarte van Deauville en d' omliggende gemêentes
Geografie
Regio	Normandië
Departement	Calvados
Arroundissement	Lisieux
Kanton	Honfleur-Deauville
Coördinoatn	🌍 49°21′33″N 0°04′28″O
Ippervlak	3,57 km²
Inweuners
Inweuners	3.701 (2015)
Bevolkiengsdichtheid	1.037 inw./km²
Andere
Burgemêester	Philippe Augier
Postcode	14800
Webadres	Site van Deauville

Deauville is e Fransche gemêente en plekke an de zêe in 't departement Calvados in de regio Normandië. D' inweuners wordn Deauvillais genoemd.

Strange van Deauville met de typisch kleurryke parasols

Mè zyn casino, geklasseerde villa's, koersboann vo de peirdesport, jachthoaves, luxueuze hotels, Festival van d' Amerikoansche cinema, golfpling en discotheekn, wordt Deauville anzien lik êen van de mêest prestigieuze steedn van Vrankryk.

De plekke wordt ieder joar bezocht deur duuznde toeristn, surtout deur Parisiens omda 't relatief dichte by ligt (oengeveer 200 km). Deur zyn reputoasje van luxe resort wordt 't regelmoatig bezocht deur bekende vedettn van de cinema, muziek, televiezje, mode en deur menschn van d' economische en pollitieke weireld.

• 
  Vuuf sterrn hotel Normandy
• 
  Casino van Deauville
• 
  Villa Strassburger

Ofbeeldiengn die ier by passn ku je vien in de categorie Deauville van Wikimedia Commons.