Dnjepr

Dat artikel es geschreevn in 't Noordelik West-Vlams.

D'n Dnjepr (Russisch: Днепр, Dnjepr, Wit-Russisch: Дняпро, Dnjapro, Oekraïens: Дніпро, Dnipro) is e 2.201 kilometer lange riviere die deur Rusland, Wit-Rusland en Oekraïne in de Zwarte Zêe stroomt. 't Is achter de Volga en d'n Donau de derde langste riviere van Europa en sedert d'n bouw van vuuf sluuzn oengeveer 1.700 kilometer bevoarboar.

De riviere oentspriengt in Rusland in de Valdaihoogte, 'n heuvelachtig gebiëd, oengeveer 200 kilometer te west'n van Moskou. By de stad Botsjarovo (Бочарово), tusschn Bely en Sytsjovka, ligt 't bronnegebiëd, sedert 1981 e nateurmonument.

De riviere stroomt ton richtienge zuud, zuudwest'n en passeert de Russische stad Smolensk. 60 kilometer te zuud'n van Smolensk komt 'n toe an de grenze van Wit-Rusland. Oengeveer 15 kilometer ist 'n e grensriviere en je droait ton by Orsja in e grôte boge noa 't zuud'n en deurkruust 't ôost'n van Wit-Rusland. De grotste stad woar dat 'n doa deure stroomt is Mogiljov. Achter e goeie 400 kilometer komt 'n toe an d' Oekraïensche grenze en ist 'n were e grensriviere van 120 kilometer toet dat 'n uutmoendt in 't Kiev-reservoir. Achter e goeie 1000 kilometer in Oekraïne moendt 'n uutendelik te west'n van Cherson uut in de Zwarte Zêe via de Dnjepr-Bug-Liman, 'n estuariummeer.

Steed'n an d'n Dnjepr[bewerkn | brontekst bewerken]

Van de bronne toet de moendienge:

Rusland:
- Dorogoboezj
- Smolensk
Wit-Rusland:
- Orsja
- Sklou
- Mogiljov
- Byhau
- Rahatsou
- Zjlobin
- Retsjitsa
Oekraïne:
- Kiev
- Kaniv
- Tsjerkasy
- Krementsjoek
- Kamjanske
- Dnipro (vodiën Dnjepropetrovsk)
- Zaporizja
- Marhanets
- Nikopol
- Enerhodar
- Nova Kachovka
- Cherson

Ofbeeldiengn die ier by passn ku je vien in de categorie Dnieper (river) van Wikimedia Commons.