Earth Explorer
- Dit artikel es geschreevn in 't Ostends, en da zou best ozô bluuvn.
Earth explorer es een overdekt recreatiedoming in Ostende. 't Es een oentdekkiengspark, in die zin da je zelve betrokkn zyt in de attraksjes. Het centrale thema zyn de vier nateurelementn: eirde, woater, vier en wind. 't Go de latste tyd ni echt mè Earth Explorer: in januoari en de provinsje en de stad Ostende under andèèln in de zake verkocht an een Iengelsche firma vor èèn euro.
Geschiedenisse
[bewerkn | brontekst bewerken]Earth Explorer es 't er gekomn ip initiatief va Dirk Frimout en is e gevolg van zyn ruumtemissie woarin dat ie de planete eirde bestudeerd et.
Bezienswoardigheedn
[bewerkn | brontekst bewerken]Olle bezienswoardigheedn zyn ipgebouwd roend de nateurelementn
- Eirde: je ku voeln oe da een eirdbevienge voelt, e masjien da o je derop spriengt dad et je schoale van Richter meet, ...
- Woater: met e oenderzeeër verken je d' oceoann.
- Vier: met e bootje goa je zogezeid mee met e lavastrome
- Wind: makt zelve e tornado mee, in e schuulkelder
- doarnoast e je nog ollerlie kleene educatieve attraksjes.
Earth Explorer is eigenlik voornoamelik vo kienders bedoeld, mo ogre leeftydn zyn ook welgekomn. 't Ed etwa weg van Technopolis.