Echte bien

Van Wikipedia
Ga naar: Begunplekkn, zoeken
Dat artikel es oorsprounkelik geschreevn in 't Noordelik West-Vlams.

D' echte bien (Apidae) zyn e grôote famielje van bien en hommels en andre mindre bekende groepn uut de orde van de vliesvleuglign[1]. Veele zyn weirdevulle bestuuvrs in nateurlikke leefgebiedn en vo landbowtêeltn [2].

Taksonomie[bewerkn | brontekst bewerken]

D' echte bien omvattn têegnwôordig al de geslachtn die vroegre oendrgebrocht woarn in de famieljes Anthophoridae en Ctenoplectridae. De mêeste van dedie zyn allêenleevnde sôortn, aloewêl datr ook e poar parazietiesch leevn [3].

De vier groepn die oendrfamieljes in d' oede famielje Apidae zyn têegnwôordig gerangschikt lik stammn in d' oendrefamielje Apinae. Die evoluusje is nog versterkt in e poar recente klassifiekoasjes die al de bestoande bie-famieljes tegoare zettn oendre de noame "Apidae" (of, ook, lik de kloade "Anthophila"), mo da is gin algemeêen verspreid gebruuk.

Oendrefamieljes[bewerkn | brontekst bewerken]

Apinae[bewerkn | brontekst bewerken]

Amegilla cingulata — e groafbie-sôorte van de oendrefamielje Apinae uut Australië, by e blomme van e tomatteplante.
  • Apinae: ôonienkbien (Apis), hommels (Bombus), angllôoze bien (Meliponini), Euglossini, Anthophorini, en 14 andre.

D' oendrefamielje Apinae bevat e verscheidneid van 15 geslachtsgroepn, woavan da de mêeste allêene leevn en wiens nestn simpl ooln in de groend zyn.

Echtre d' ôoniekbien, d' angllôoze bien en de hommels zyn eusosjoal of vormn koloonjes. Dr wordt somtyds angenoomn da ze da oentwikkld ên oenofanklik van mekoar; ze vertôon grôote oenderlienge verschilln ip gebied van kommuniekoaje tusschn de werkstrs en de maniern van nestbow.

Geslachtngroepn:[1]

  • Anthophorini
  • Apini
  • Bombini
  • Centridini
  • Emphorini — (Ancyloscelidina; Emphorina)
  • Ericrocidini
  • Eucerini
  • Euglossini
  • Exomalopsini
  • Melectini
  • Osirini
  • Protepeolini

Nomadinae[bewerkn | brontekst bewerken]

Koekoeksbie-sôorte ip e blomme.

D' oendrefamielje Nomadinae, of koekoeksbien, ê 31 geslachtn in 10 geslachtngroepn die alle parazieteern in de nestn van andre bien.

De geslachtsgroepn omvattn:[1]

  • Ammobatini
  • Ammobatoidini
  • Biastini
  • Brachynomadini
  • Epeolini — (Epeolina; Odyneropsina; Thalestriina)
  • Hexepeolini
  • Neolarrini
  • Nomadini
  • Townsendiellini

Xylocopinae[bewerkn | brontekst bewerken]

Xylocopa violacea — 'n oet-bie uut de oendrefamielje Xylocopinae, ip e blomme.

D' oendrefamielje Xylocopinae, die de oet-bien omvat, zyn mêesta allêeneleevnd, oewêl da ze toch gêrn in groeptjes leevn. Sommigte geslachtsgroepn, lik de Allodapini, ên ook eusosjoale sôortn.

De mêeste leedn uut die oendrefamielje maakn nestn in plantestammn of in oet.

De geslachtsgroepn omvattn :[1]

  • Allodapini
  • Ceratinini
  • Manueliini
  • Xylocopini

E bitje voddre kykn[bewerkn | brontekst bewerken]

  • (en) Borror, D. J., DeLong, D. M., Triplehorn, C. A. 1976 : An introduction to the study of insects, cuarta edición, Holt, Rinehart and Winston, New York, Chicago. ISBN 0-03-088406-3
  • (en) Arnett, R. H. Jr. 2000 : American insects, Segunda edición, CRC Press, Boca Ratón, Londres, New York, Washington, D. C. ISBN 0-8493-0212-9
  • (en) Mitchell, T.B. 1962 : Bees of the Eastern United States, Volumen II, North Carolina Agricultural Experiment Station, Tech. Bul., No.152, 557 p.

Eksterne koppliengn[bewerkn | brontekst bewerken]

Wikimedia Commons

Verwyziengn[bewerkn | brontekst bewerken]

<references>

  1. 1,0 1,1 1,2 1,3 (en) BugGuide.Net: the Family Apidae (of bees)
  2. (en) Michener, Charles D. 2000 : The bees of the world, The Johns Hopkins University Press, Baltimore, Londres. ISBN 0-8018-6133-0
  3. (en) O'Toole, Christopher, Raw, Anthony 1999 : Bees of the world, Cassell Illustrated, ISBN 0-8160-5712-5]