Elche

Van Wikipedia

Spanje Elx/Elche

Liggienge van Elx in Spanje
38° 16' N, 0° 40' W
Regio Valencia
Provinsje Alicante
Comarca Baix Vinalopó
Coördinoatn {{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak 326,07 km²
Inweuners

Bevolkiengsdichtheid

228.647 (2014)
700 inw./km²
Postcode 03200-03299
Website www.visitelche.com

Elche (Spoans: [ˈeltʃe]) of Elx (Valencioans: [ˈɛʎtʃ]) is e stad in de Spoansche provinsje Alicante in de regio Valencia. 't Is d' hoofdstad van de comarca Baix Vinalopó.

E dêel van de gemêente ligt an de kust, moa de stad zelve ligt 11 km van de Middellandsche Zêe en 20 km van de stad Alicante. E klêene riviere, de Vinalopó, stroomt deur de stad.

Beziensweirdigheedn[bewerkn | brontekst bewerken]

  • Palmeral van Elche (Valencioans of Cataloans Palmerar d'Elx), e bus van mêer of 200.000 palmboomn. 't Stoat sedert 't joar 2000 ip de Weirelderfgoedlyste van UNESCO.
  • Paleis van Altamira, ook Alcázar de la Señoría genoemd, geleegn nevest 't gemêentelyk park, oorsproenkelyk gebouwd in de 12e-13e êeuwe en loater gerenoveerd in de 15e êeuwe. Vroeger was ’t e fort en ’t wierd loater ook gebruukt ols fabrieke, stadhuus en binst de Spoansche Burgeroorloge ols gevang. Teegnwoordig is ’t Archeologisch en Historisch Museum doa gevestigd.
  • Arabische baings (Baños Arabes)
  • Basilieke Santa Maria
  • Torre de la Calahorra, uutkyktorre van islamitische origine, overbluufsel van d' oude stadsomwallienge

't Mysterie van Elche (Misteri d'Elx) is e middelêeuws mysteriespel van de 15e êeuwe. Sedert 1931 is 't erkend ols nationaal erfgoed en in 2001 kwam 't ip de Lyste van Meesterwerken van Oraal en Immaterieel Erfgoed van de Mensheid van UNESCO. 't Wordt ieder joar halverwege ogustus gespeeld in de basilieke Santa Maria en 't goat over d' Hemelvoart van de Moagd Maria.

De Dame van Elche (Dama d’Elx), e buste van e vrouwe in kalkstêen, wordt ook styf g'associeerd met de stad. 't Beeld is in 1897 gevoendn in L'Alcúdia, een archeologische site twêe kilometer te zuudn van Elche.

Wikimedia Commons