Eric Defoort
Eric Defoort (Yper, 27 juni 1943 - 17 december 2016) was e West-Vlamsche progressieve Vlams-nationalist, pollitieker by den N-VA en professor geschiedenisse an de KUB. Je was vôorzitter van de Europese Vrije Alliantie (EVA). Je zetelde ook in de Road van Besteur van de VRT.
Defoort was de latstn oundervôorzitter van de Volksunie en met de Oranjehofgroep lagt 'n an de basis van de loatern N-VA, tegoare met ounder andere Geert Bourgeois en Bart De Wever, teegnover de Toekomstgroep die loater Spirit zou kommn.
In ze jounge joarn wos Defoort al betrokkn by de Vlamsche Bewegienge, moar ook by de Doorbraak-operoasje van Karel Van Miert vo de jounge Sp.a. Je werkte in 1996 mee an 't Vlams-progressief project Sienjaal van Norbert De Batselier en Maurits Coppieters en je was ook één van de schryvers van 't manifest (uutgekommn in februoari 2008) van de Gravensteengroep, e groep van progressieve Vlamsche intellectueeln en kunstenoars.
De 26ste moarte 2010 was Eric Defoort in Venetië verkoozn toet nieuwe vôorzitter van de Europese Vrije Alliantie. Je volgde Nelly Maes ip.
J'het ook ênigte boekn geschreevn.
Boekn[bewerkn | brontekst bewerken]
- Charles Maurras en de Action Française in België, Brugge, Orion, 1978.
- Une Châtelaine flamande, Dunkerque, 1985.
- Al mijn illusies bloeien, Antwerpen-Baarn, Hadewijch, 1991.
- Neel Doff. Leven na Keetje Tippel, Antwerpen-Baarn, Hadewijch, 1993.
- Het klauwen van de historicus. Sfumato., Antwerpen, Hadewijch, 1996.
- Een dochter van Duitsland. Tony Simon-Wolfskehl. 1893-1991., Antwerpen, Van Halewyck, 2007.