Errewete

Erreweten in under peule

Ryk:	Plantae (Plantn)
Stamme:	Embryophyta (Landplantn)
Klasse:	Spermatopsida (Zoadplantn)
Clade:	Bedektzoadign
Clade:	Eudicotyln
Clade:	Rosids
Orde:	Fabales
Familie:	Fabaceae (Vlinderblommign)
Ounderfamilie:	Faboideae of Papilionoideae
Geslacht:	Pisum (Errewete)

Soorte

Pisum sativum
L., 1753

D' errewete (Pisum sativum) is e plante uut de vlinderblommefamilie. Der is indertyd vele genetisch ounderzoek van Gregor Mendel ip die plantn gedoan.

De noame erreweten wordt surtout gebruukt voe de zoaden van die plante. Dat zyn klêne groene bolletjes (6 tot 12 mm diameter), die voe groensel g'eetn wordn.

Achter da ze getrokken zyn wirden de bôonn geprôost om d'erreweten uut de schokken t'oalen. Ze wirden geblancheerd ('n poar minuten gekokt) en ton gestoofd in beuter me 'n bitje andjoen of sjalotten. Sommigste minsen doen d'er ôok 'n bitje suker by.

Er bestoat ôok n'oantal courante variëteitn:

de kapucyner of siererrewete: wit-purperen blommn en 'n blauwe peule
de klênere en plattere variëteit die jounk me schokke en ol ipgeetn wird: de mangetout
de grôtere sôorten vô 't bêesteteetn

D'erreweten wirden ôok gedrôogd vô ze beter te kunn bewoaren. Oas ze gedrôogd zyn goat ulder velleke gemakkelikker of en klappen we dikwils van spliterreweten.

de witte en groene variëteit wordt gebruukt voe in de soepe en puree te mixen
de pois chiche es 'n Indische variant in 't wit of in 't zwart, klêner en en mêer uutgesproken notesmoake

Verwant an de erreweteplante is de plante Glycyrrhiza glabra, woavan dat stikkn van de wortel kalissiestokskes noemn.

Gedroogde Pisum sativum
Erreweten in de peule
Vessche uutgedoane erreweten
Errewetesoepe mè roggebrôod en spek

Ofbeeldiengn die ier by passn ku je vien in de categorie Peas van Wikimedia Commons.