Êeste nationale basket (vintn)

Êeste nationale was d' hoogste ofdêlienge van basket vo vintn in België. Den inrichtende macht was de Basketball League Belgium (BLB) die tegoare werkte met de Belgische Basketboend (KBBB). De sponsornoame van de competiesje was sedert 2016 Euromillions Basketball League. Vodien was da Scooore! League en Ethias League. Sedert 't sizoen 2021-2022 is de competiesje vervangn deur de Belgisch-Hollandsche BNXT League.

Geschiedenisse

De reekse bestoend uut tien ploegn, moa Basket Bree krêeg in 2008 gin licensje en speelde ton in twidde klasse. Doadeure kost vo 't twidde joar tereke gin êen ploeg degradeern noa twidde klasse. Wel kost er e ploeg uut de twidde diviezje promoveern.

In 't sizoen 2012-2013 woarn der moar acht ploegn in êeste omdat Optima Gent besliste van vrywillig te zakkn noa Twidde Nationale. Ip 't ende van april 2013 gerakte bekend da Kangoeroes Basket Willebroek en Excelsior Brussel e licensje krêegn vor over te goan noar êeste nationale.

De latste joarn speeldn de ploegn vier kêers teegn mekoar, 2 kêers thuus, 2 kêers ip verplatsienge. Doarachter giengn de zes êest geklasseerdn noa de play-offs, e knock-out systhème.

Competiesje

Vanof 't sizoen 2014-2015 wierd er gepeeld met elf ploegn en was 't er e nieuwe competiesjeformule. In d' êeste rounde speeldn al de ploegn teegn mekoar en iedere speeldag was 't er e ploeg bye (vry). Achter 22 speeldoagn volgde e twidde competiesjerounde woarin dat elf clubs ipgesplitst wierdn in twêe poules. In den êeste groep speeldn d' êeste zesse teegn mekoar vor under startposiesje te bepoaln in de play-offs. De latste vuuf clubs speeldn teegn mekoar vo de latste twêe plekken vo de play-offs. De play-offs met acht ploegn brocht e kwartfinale (best of three en 1-8, 2-7, 3-6, 4-5), een halve finale (best of five) en de finale (best of five).

Kampioenn van België

1928 Brussels A.C. 1929 Daring BC 1930 Brussels A.C. 1931 Brussels A.C. 1932 Daring B.C. 1933 Brussels A.C. 1934 Daring B.C. 1935 Amicale Sportive 1936 Amicale Sportive 1937 Fresh Air BC 1938 Fresh Air 1939 Royal IV BC 1940 gin competiesje 1941 gin competiesje 1942 Royal IV 1943 gin competiesje 1944 gin competiesje 1945 geen competiesje 1946 Semailles BC 1947 Semailles BC 1948 Semailles BC 1949 Semailles BC 1950 Semailles 1951 Semailles

1952 Royal IV 1953 Royal IV 1954 Royal IV 1955 Hellas Gent 1956 Antwerpse BC 1957 Royal IV 1958 Royal IV 1959 Antwerpse 1960 Antwerpse 1961 Antwerpse 1962 Antwerpse 1963 Antwerpse 1964 Antwerpse 1965 Racing Mechelen 1966 Racing Mechelen 1967 Racing Mechelen 1968 Standard Luik BC 1969 Racing Mechelen 1970 Standard Luik 1971 Bus Fruit Lier 1972 Bus Fruit Lier 1973 R. Ford Antwerpse 1974 Racing Mechelen 1975 Racing Mechelen

1976 Racing Mechelen 1977 Standard Luik 1978 Fresh Air 1979 Fresh Air 1980 Racing Mechelen 1981 Sunair Oostende 1982 Sunair Oostende 1983 Sunair Oostende 1984 Sunair Oostende 1985 Sunair Oostende 1986 Sunair Oostende 1987 Racing Maes Pils Mechelen 1988 Sunair Oostende 1989 Racing Maes Pils Mechelen 1990 Racing Maes Pils Mechelen 1991 Racing Maes Pils Mechelen 1992 Racing Maes Pils Mechelen 1993 Racing Maes Pils Mechelen 1994 Racing Maes Pils Mechelen 1995 Sunair Oostende 1996 Spirou Charleroi 1997 Spirou Charleroi 1998 Spirou Charleroi 1999 Spirou Charleroi

2000 Racing Basket Antwerpen 2001 Telindus Oostende 2002 Telindus Oostende 2003 Spirou Charleroi 2004 Spirou Charleroi 2005 Euphony Bree 2006 Telindus Oostende 2007 Telindus Oostende 2008 Spirou Charleroi 2009 Spirou Charleroi 2010 Spirou Charleroi 2011 Spirou Charleroi 2012 Telenet Oostende 2013 Telenet Oostende 2014 Telenet Oostende 2015 Telenet Oostende 2016 Telenet Oostende 2017 Telenet Oostende 2018 BC Oostende 2019 BC Oostende 2020 BC Oostende 2021 BC Oostende 2022 BC Oostende