Ferdinand van Oostnryk

Ferdinand van Oostnryk, bekend ols Kardinoal-infant (Madrid, 16 meie 1609 - Brussel, 9 november 1641) was e zeune van Filips III van Spanje.

An z’n tien joar vroeg zyn voader e kardinoalsfunctie vor hem an by den paus. Da was teegn z'n gouste want je was e gedreevn vechter ip ’t slagveld en je zag geirn de vrouwn.

In 1619 kwamt ie aartsbisschop van Toledo en kardinoal.

J’haad ’n ounwettige dochter die nunne kwam.

Je volgde de vierdn november 1634 z’n tante aartsertoginne Isabella ip ols Landvoogd van de Nederlandn en je blêef landvoogd tout an z’n dôod.

Vo zyn blyde intrede in Antwerpn in 1634 wierd d’r styf vele geld uutgegeevn deur ’t stadsbesteur en Rubens zorgde vo de versierienge.

In 1637 verblêeft ie mè z'n gevolg in ‘t Prinsenhof van Brugge.

Ofbeeldiengn die ier by passn ku je vien in de categorie Cardinal-Infante Ferdinand of Austria van Wikimedia Commons.