Filips III van Spanje

Van Wikipedia
Filips III
1578 - 1621
Filips III
Keunienk van Spanje,
Noapels, Sicilië, Sardinië
Periode1598 - 1621
VôorgangerFilips II
IpvolgerFilips IV
Keunienk van Portugal
Periode1598 - 1621
VôorgangerFilips I
IpvolgerFilips III
Hertog van Milaan
Periode1598 - 1621
VôorgangerFilips II
IpvolgerFilips IV
VoaderFilips II
MoederAnna van Ôostnryk

Filips III van Spanje (Madrid, 14 april 1578 - Madrid, 31 moarte 1621) was keunienk van Spanje, Noapels, Sicilië, Sardinië en (als Filips II) van Portugal. Z'n bynoame was el piadazo (de Vroomn). Je was e zeune van keunienk Filips II van Spanje en Anna van Ôostnryk.

Zyn leevn[bewerkn | brontekst bewerken]

Filips III is geboorn in Madrid. Z'n moeder Anna, dochter van Maximiliaan II, was de vierde vrouwe van Filips II.

In 1598 stierf zyn voader. Filips III a nie zyn karakter. Je was vele mêer g'interesseerd in dansn, dichtn en joagn of in politiek en je gaf enorm vele geld uut an fêestn. In de praktyk liet Filips 't regeern over an z'n favoriet Francisco Gómez de Sandoval y Rojaz, hertog van Lerma.

Zyn zuster Aartsertoginne Isabella haad, tegoare met heur vint Albrecht van Ôostnryk, de Lêge Landn gekreegn.

Ambrogio Spinola, e proconsul van Filips III, deur Peter Paul Rubens

In die periode dreevn d'ipstandeliengn van de Noordelikke Nederlandn commerce met de Spanjoardn vo den oorloge te betoaln, mo direct achter da Filips III an 't bewiend gekommn was, wierd da stille geleid. Je liet ol under bôotn in de Spoansche en Portugeesche hoaves ansloan en zette de bemannienge gevangn. Mo da brocht even vele schoa mee vo de Spoansche economie of vo d'Hollandsche.

In 1606 probeerdn Filips en den hertog van Lerma vrede te sluutn met d'ipstandige Hollanders. En ook d'aartshertoogn Albrecht en Isabella woarn van da gedacht. Ze goavn ipdracht an den Italioan Spinola vo t'ounderandeln. Êen van de Spoansche voorwoardn was dat de Verêenigde Ôostindische Compagnie zou stille geleid wordn, mo Johan Van Oldenbarnevelt, den ipvolger van Willem van Oranje, brocht 't by 't Twoalfjoarig Bestand in 1609 zoverre dat de Nôordelikke Nederlandn under commerce met 't Verre Ôostn toch nie mostn stoppn.

In 1618 smêet Filips III den hertog van Lerma buutn omdat er veel te vele corruptie was an 't hof van Madrid. Je wierd ipgevolgd deur z'n zeune Cristóbal de Sandoval, den hertog van Uceda.

Vrouwe en jounges[bewerkn | brontekst bewerken]

Ferdinand van Ôostnryk mè broertje Alfonso en zusje Margarita
deur Bartolomé González y Serrano (1612)

Keunienk Filips III trouwde mè Margaretha van Ôostnryk, dochter van Karel II van Ôostnryk en zuster van de loatere keizer Ferdinand II van 't Hillig Rôoms Ryk. Under jounges:

Filips III is gestorvn in Madrid.

Wikimedia Commons