Flers

Flers (Frans: Flers-lez-Lille, Nederlands: Laar) es e prochie in Vrankryk in 't Noorderdepartement, o d'ôostkantn van Rysel. Flers wos e zelfstandige gemêente toet 1970, ton da 't mè Ascq en Annappes fusioneerde tout de nieuwe gemêente (ville nouvelle) Villeneuve-d'Ascq. De vroegere gemêente bestound uut 't center Flers Bourg en't gehucht Flers Breucq.

Flers komt nu vo't grotste stik overêen mè d'uudige wyken van Villeneuve-d'Ascq: Flers Bourg, Flers Château en Flers Breucq.

Beziensweirdigeedn

De Sint-Pieterskerke dateert van de vuuftiende êeuwe, mo de fundoasjes zyn ol van vôorn d'elfde êeuwe
't Kastêel van Flers uut de zeevntiende êeuwe

Ofbeeldiengn die ier by passn ku je vien in de categorie Flers-lez-Lille van Wikimedia Commons.