François Lambert

Van Wikipedia
Naar navigatie springen Naar zoeken springen
Dit artikel zou beter herschreevn zyn in 't Brugs.

François Lambert ( 10 november 1938 - Brugge, 17 december 2004) wos e zoaknman die voerol bekend ekommn is als wielersponsor.

All Drive Renting (ADR) wos e bedryf dat otto's vereurde ip lange termyn. François Lambert miek er reclame vôorn met e koersploeg voe profs, en e trok José De Cauwer an als sportdirecteur.

't Onverwachte succes[bewerkn | brontekst bewerken]

In 1988 woun de ploeg met Eddy Planckaert de Rounde van Vloandern, en me Dirk Demol Paris-Roubaix. Moa de strafstn stôot kwam in 1989 toen da Greg LeMond voe ADR 'n Tour de France won. Niemand adde da verwacht: ten êeste kwam LeMond were achter e jachtongeval, en ten twidde wos ADR eigentlik moa e klêen ploegsje zounder grôte Rounde-coureurs.

'n Oendergang[bewerkn | brontekst bewerken]

Lambert krêeg achter een ende miserie me de belastiengn, want ADR wos ni solvabel. D'r kwaamn oek e hêel dêel processn vo de Arbeidsrechtbank en de Correctioneeln, Lambert adde bevôorbeeld cheques uutegeevn zounder provisje. 't Gevolg wos da zyn wielerploeg hêlegans in makoar stuukte; ounder ander Greg LeMond adde e proces teegn nem anespann.

in't begin van zinn zakelik leevn et Lambert nog e tydege in meubels edoan. Toen dat 'n dôodgink wos 'n 66 joar.