Geert Bourgeois
Geert Bourgeois (Roeseloare, 6 juli 1951) is ne Belgische politieker en advocoat. Van 2014 toet 2019 wos hy minister-president van de Vlamsche regerienge, die bestond uut N-VA, CD&V en Open Vld.
Geert Bourgeois wos volksvertegenwôordiger voe de Volksunie sedert 1995. En is begunn mè de N-VA (Nieuw-Vlaamse Alliantie) in 2001, achter dat de Volksunie uut makoar is gevolln. Bourgeois wos vôorstander van centrum-reks en kwam ni overêen mè Bert Anciaux die centrum-links wos. Van 2001 toet 2004 wos Bourgeois 'n êestn vôorzitter van de N-VA. In 2004 kwam Geert Bourgeois minister van Bestuurszoak'n, Butenlands Beleid, Toerisme e Media in de Vlamsche regering.
Bourgeois stoa bekend lik e droogn piet en e dossierfretter. Moa vriend e vyand vindt em wel rechtlynig. Natuurlik zyn der nog vele die de evolusie van 't woord 'onverwijld' nie verstoan ein en da in Bourgeois z'n schoenn willn scheuven.
In september 2006 eskaleerdehede de slechte veroedinge tusschen Bourgeois, minister van Media, en Tony Mary, de boas van de VRT. De mêeste Vlamsche gazettn verwytn Bourgeois z'n starre oedinge in de ruuze.
E zit ol sedert 1977 in de gemêenteroad van Yzegem, woavan 11 joar (1983 toet 1994) scheepn.
Polletieke carrière
[bewerkn | brontekst bewerken]- Gemêenteroadslid Yzegem (1977 - nu)
- Êeste scheepn Yzegem (1983 - 1994)
- Federoal volksverteegnwoordiger (1995 - 2004)
- Lid van d' Onderzoekscommissie Dutroux.
- Lid van de Commissie vo de Justitie van de Koamer van Volksverteegnwoordigers.
- Onderhandeloar OCTOPUS-akkôord (1998)
- Fractieleider in de Koamer (1999 tot 2000)
- Algemêen Vôorzitter VU (2000 - 2001)
- Vôorzitter N-VA (september 2001 - juli 2004)
- Vlamsche Volksverteegnwoordiger (2004)
- Vlamsche minister van Besteurszoakn, Buutnlands Beleid, Media en Tourisme (2004 - 2008)
- Vlams Parlementslid (2008 -2009)
- Vlamsche minister van Besteurszoakn, Binnlands Besteur, Inburgerienge, Tourisme, Onroerend Erfgoed en Vlamsche Rand (2009 - 2014)
- Viceminister-president van de Vlamsche regerienge (2009 -2014)
- Vlamsche minister-president (2014 - 2019)
- Europees Parlementslid (2019-2024)
Externe koppeliengn
[bewerkn | brontekst bewerken]
|
Ofbeeldiengn die ier by passn ku je vien in de categorie Geert Bourgeois van Wikimedia Commons. |