George Minne

Graf van Minne in Sint-Martens-Latem

George Minne (Gent, 30 augustus 1866 - Sint-Martens-Latem, 20 februoari 1941) was een Vlamsche beeldouwer, kunstschilder, tekenoare, illustrator en docent an den academie.

Z’n kunst wordt gerekend by ’t naturalistisch symbolisme, moar ook by de Art Nouveau of Jugendstil.

Leven en werk

George Minne volgde een ipleidinge tot architect van 1882-1884 an den academie in Gent. Je was bevriend met de schryver Maurice Maeterlinck en je illustreerde zyn werkn Les serres chaudes in 1888 en Sœur Béatrice in 1900. Ook werkn van zyn vriendn uut ‘t symbolistisch milieu Charles van Lerberghe, Emile Verhaeren en Grégoire Le Roy.

In 1890 exposeerdeget ie e poar van zyn beeldn by Les XX in Brussel en in 1891 wierd 'n lid van die belangryke avant-gardistische kunstenoarsgroep.

In 1891 trokt 'n noa Parys vo Rodin ip te zoekn moa je wierd doar ofgeweezn.

Ip dertigjoarige leeftijd erbegost 'n vanof nul en je volgde van 1895 tot 1896 een ipleidinge beeldouwn an den academie van Brussel.

In 1898 gingt 'n in Sint-Martens-Latem weunn. Je wordt anzien als de leidnde figeure van den êerste groep kunstnoars van de Latemsche Schole die loater de mystieke symbolistn wierdn genoemd. ’t Woarn de kunstschilders Albinus Van den Abeele, Valerius De Saedeleer, Albert Servaes en Gustaaf Van de Woestijne.

Van 1912-1914 en 1918-1919 wordt Minne docent an den Academie van Gent. Binst den oorloge 1914-1918 wykt ‘n uut noa Wales met zyn vrouwe moar achter den oorloge keert ‘n were.

In 1930 krygt ’n den êretitel barong.

Gekende werkn

• Zyn meest gekende werk De Knapenfontein, uut marmer gekapt, wierd oorsprounkelik angekocht in 1905 vo 't Folkwangmuseum in Hagen. In 1922 is 't overgebrocht noar Essen. Bronzn versies d'rvan zyn d'r an 't Belfort in Gent, in Wenen en in Brussel
• Fontein met vijf knielende jongelingen (vuuf versies, o.a. in Brussel)
• De Drinkzakleger in Bremen
• Gedenkteekn vo Georges Rodenbach in Gent.

• 
  Bronzn versie van De Knapenfontein in Brussel
• 
  Treurende moeder met twee kinderen ('De smart'). 1888. Museum Boijmans Van Beuningen, Rotterdam
• 
  Kind met waterzak, in de colleksje van Belfius Bank & Verzekeringen, Brussel
• 
  De kleine geknielde van George Minne in het Museum van Deinze en de Leiestreek mudel

Minne wordt anzien als één van de belangrykste symbolistische beeldouwers van Europa. Je werkte met out, marmer, brons en graniet. J’et ook meer of vuufounderd tekeningn in outskole en potlôod gemakt.

Ofbeeldiengn die ier by passn ku je vien in de categorie George Minne van Wikimedia Commons.