Grand-Hornu

Van Wikipedia

Standbeeld van Henri De Gorge mè machinezoale ip den achtergroend

De Grand-Hornu is een historisch industrieel mynbouwcomplex in de provinsje Henegouwn, ip ênigte kilometers van de steedn Mons en Valenciennes. 't Ligt in de gemêente Boussu by de plekke Hornu. De site is e belangryk vôorbeeld van industrieel erfgoed die getuugt over d' industriële revoluusje.

't Complex wierd ipgericht in neoklassieke styl tusschn 1810 en 1830 deur Henri De Gorge, een industrieel van Franschn ofkomst. Grand-Hornu wierd ipgevat lyk een echt stadsproject, een uniek vôorbeeld van functioneel urbanisme uut de bloeiperiode van d' industrialisoasje in Europa. 't Omvat werkplekn en burêeln van de koolmyne, een arbeiderswyk mè 450 huuzn, styf comfortabel vor in dien tyd, en de residensje van de besteurders, Kastêel de Gorge genoamd.

In 1951 kwam 't Europees verdrag vo Kooln en Stoal in werkienge en in 1954 is d' industriële uutboatienge van de Grand-Hornu gestopt en de site verloatn.

De site stoat sedert 2012 ip de weirelderfgoedlyste van UNESCO tegoare met drie andere mynsites, Bois du Cazier by Charleroi, Bois-du-Luc by La Louvière en de myne van Blegny.

Wikimedia Commons