Gustaaf Roels

Van Wikipedia
Gustaaf Roels
Zicht van Brugge deur Gustaaf Roels

Gustaaf Roels (Brugge, 5 december 1869 - Filée-Jallet, teegn Namen, 26 december 1945) was e Brugsche graveur.

Vor 't grotste dêel van zyn leevn et je by Ancot as graveur gewerkt, en zyn grotste "claim to fame" is dat je de bekende koperploatn van Marcus Gerards e gekopieerd up tien lithografische stêenn. Van Ancot mocht je zyn name nie up de stêenn zetten, mo dat et je dievelinge toch gedoan, an de westkant van 't belfort. Ot dat uutkwaam en ze zyn name me Arabische gomme bedekt, zodoanig da zyn name up de êeste prints stoat, mo nie mê up de loatere versies. Loater en ze de stêenn gekuust en de latste versies en zyn name der weer up.

O je 't wil zien ku je oltyd in 't stadhuus van Brugge, in d' achterzoale, goan kyken, omda de stêenn doa te bezichtign zyn: de name 'ROELS' stoat der nog oltyd in.

In zyn vryen tyd ê Gustaaf Roels nog een aantal schilderyn gemakt, ollemolle zichtjes van Brugge. De kwaliteit is wel nie 't zelste gelik zyn etsn, mô vô de famile zyn 't toch erfstikn.

Externe koppeliengn[bewerkn | brontekst bewerken]