Henri Joseph Rega

Van Wikipedia
Ga naar: Begunplekkn, zoeken
Dat artikel es oorsprounkelik geschreevn in 't Kustwestvlams.

Henri Joseph Rega of Hendrik Jozef Rega (Leuven, 26 april 1690 – Leuven 22 juli 1754) was e Zuud-Nederlandschn dokteur. Je was mecenas, bibliofiel en rector van de Leuvenschn universiteit.

Leevn en werk[bewerkn | brontekst bewerken]

In 1707, je was ton 17 joar, schreeft ie hem in an den universiteit van Leuven. In 1710 hoaldet ie zyn baccalaureoat en in 1712 zyn licentioat in de geneeskunde. Vor hem verder te specialiseern in zyn vakgebied trokt ie van 1713 toet 1717 noa Parys. Je kêerde da latste joar were noa Leuven en je wierd docent in de scheikunde, anatomie en de chirurgie. In 1718 doctoreerdet ie in de geneeskunde. In 1719 wierd ie professor primarius in de praktische geneeskunde en rector magnificus van den universiteit.

In 1721 kwamt ie weireldbekend in de medische weireld mè zyn êeste boek over de belangryke rolle van de moage by 't oentstoan van ziektes en wisselwerkienge tusschn d' orgoann. In 1722 wast ie were rector vor e periode van zes moandn.

Rega speelde e belangryke rolle by de bouw van de centrale universiteitsbibliotheeke van Leuven.

Êerbewys[bewerkn | brontekst bewerken]

In 1854 krêeg Rega e beeld ip de façade van ’t stadhuus. De KU Leuven vernoemde 't Instituut vo Microbiologie en Immunologie noar hem. Der is ook een Henri Regastroate in Leuven. De Schoole vo Paramedische Beroepn droeg ook zyn noame, de Regaschoole. Vanof 1995 was 't bekend ols 't Departement Rega (Dieetkunde en Informatica) van de KHLeuven. In 2008 verhuusde 't departement en wierd ’t tegoare gevoegd met d' ipleidiengn Verpleeg- en Vroedkunde. Der is wel nog een aula met de noame Rega.

Externe link[bewerkn | brontekst bewerken]