Hier spreekt men Nederlands
Hier spreekt men Nederlands was een TV-program (1962-72) dat up den BRT wierd uutgezoundn juuste vô 't nieuws. Da woarn korte progammetjies van 5 minuutn lank mè de bedoelienge van de mensn 't "Algemeen Beschaafd Nederlands" - of ABN gelik da 't ton bekend stound - by te briengn.
De presenteerders woarn:
- Joos Florquin (24 moarte 1916 - 31 ogustus 1978)
- Fons Fraeters (19 februoari 1936 - 25 moarte 2009)
- Annie Van Avermaet (nu emeritus an de KUL)
Olle drie woarn ze toalkundign verboundn an den Katholieke Universiteit van Leuven (KUL).
"Hier spreekt men Nederlands" probeerdige up een luchtige maniere 't correct gebruuk van 't AN by te briengn, nie ollêne de wôordenschat, moar ook d' uutsproake. Een poar fragmentn da 'k me nog kunn'n herinnern:
- Een program da de drake staak mè wienkels die up under vinster schreevn "Wij solderen". Ze toogdn twê werkmensn die mè soldeersel bezig woarn, en ton olmatêens plechtig verkloarn "Wij solderen", vo te toogn wa da soldeern echt betêkent.
- 't Verhoal van een Joegosloavischn immigrant die vor een langn tyd peisdige dat der een schelpe bestound die "kyk" noemdige, omdat er up een moment een kiend hem een schelpe toogde en zei "kyk", gelik in "kykt e kêr hier"