Hof

Van Wikipedia
Dadde is nu watta je een typischen Belgischen hof zoe kunn'n noem'n

Onder hof, [/ɔf/]? verstoan de mêeste ne koer of ne lochtienk woa da je 'n peloeze en 'n hovetje kud èin. Mêestoal es den hof ofgezet mee droad of 'n ander sôorte ofspanninge.

De volgende lyste zyn woordn die nogoal redelik deur mekoar wèirn gebruukt en woavan de betêkenisse mekoar ofwisselt.

Den hof[bewerkn | brontekst bewerken]

Normoal gezien es den hof oal de grond van 'n hofstee da rond 'n huus ligt en beplant es mê verschillige sôortn plantn. Mêestoal es 't centroale dêel van ne klassiekn hof de peloeze. Doarrond ku je ton verschillige bôordn en oallerande verschillige fietje-fatsje-rietjes èin die bestoan uut struukn, kruudn, bloumn en bôomn.

Et hovetje[bewerkn | brontekst bewerken]

Hovetje / koer mê roendboogporretje en bygebouwtjie tusschen 't huus en de meur in Kortryk
Een ovetje in Brugge an't woater

Et hovetje es mêestoal 'n ofgespann hof ip zyn minst 'n apart dêel van den hof. Dad es de plekke woa dan de minsn hunder groensels zettn.

Den kruudnhof[bewerkn | brontekst bewerken]

Den kruudnhof (of kruudntuun) es gelyk 't hovetje, mo nie nôodzoakelyk 'n appart dêel van den hof. In den kruudnhof wierdn er kruudn geplant. Et zyn der vele dee under kruudnhovetje dichte by under keukn moakn. Azô moetn ze toen nie deur undern hof koursn oa 't slicht were es.

Den vôorhof[bewerkn | brontekst bewerken]

Den vôorhof es 't stik van 't hofstee da van an 't huus tot an de stroate lôopt en beplant es me struukn, kruudn, bloumn en bôomn of geweun e stik peloeze. Neffenst of deur den vôorhof ligt mêestoal den iprit.

Den koer[bewerkn | brontekst bewerken]

Ne koer es over 't olgemêen nen hof da beleid es mee stêenn. Der komt hier normoal gesprookn gin peloeze in vôorn. Wel ku je verschillige stikkn èin die bestoan uut struukn, kruudn, bloemn en bôomn. Mêestoal es e koer e binneplatse en es 't hem omgeevn deur stêenn meurn. Me noemn da ton ôok wel ne binnekoer.

Me spreekn ôok wel over ne koer, oa me 't èin over nen hof van 'n reekhuus in 't stee. Doar zyn d'hoovn ôok mêestoal ofgezet mèi stêenn meurn. Da makt da dadde der inderdoad uutziet lyk e binnekoer. Hier e je ton mêestol wel e peloeze.

Den lochtienk[bewerkn | brontekst bewerken]

Den lochtienk es ol 't geen da ip 't hofstee achter 't huus es. Den lochtienk es nie nôodzoakelik begroei mee plantn, moa da kud ôok geweune e stik mee koterie zyn.

Den tuun[bewerkn | brontekst bewerken]

Tuun es e lêenwoord uut 't Hollands en da betêeknt hof. Tuun es ofgeleid van túún da ofspanninge betêkende. In 't Duuts klappn ze nog olsan over uddern Zaun oan ze 't over hunder ofspanninge en.

Wikimedia Commons